iklan

EKONOMIA, HEADLINE

Índise Presu Konsumidór outubru sa’e ba +0,2%

Índise Presu Konsumidór outubru sa’e ba +0,2%

Negosiante fa’an produtu lokál iha bazar tradisionál iha kapitál Dili, 16 outubru 2020. Imajen Tatoli/António Gonçalves

DILI, 23 novembru 2022 (TATOLI)—Ministériu Finansa (MF) liuhosi Diresaun Jerál Estatístika (DGE, sigla portugés) fó sai mudansa Índise Presu Konsumidór (IPK) iha outubru 2022 sa’e ba +0,2%.

“Mudansa persentajen Índise Presu Konsumedór grupu hotu mensál sa’e +0,2% iha outubru 2022, kompara ho setembru 2022 sa’e +0,1%,” refere nota ne’ebé Agência Tatoli asesu, kuarta ne’e.

Mudansa presu grupu hotu (+0,2%) tanba hetan kontribuisaun hosi grupu hahán no bebida la’ós alkólika +0,5%, alkólika, tabaku +0,2%.

Kona-ba transporte -1,3, hatais no sepatu -0,1, uma -0,1%, ekipamentu no manutensaun mobiláriu uma-laran -0,1% sai hanesan mudansa kontráriu ba inflasaun grupu hotu.

Notísia relevante: IPK grupu hotu tun -0,1% iha agostu kompara ho jullu

Grupu hahán no bebida la’ós alkólika sa’e ba +0,5% tanba hetan impaktu maioria hosi sub-grupu modo-tahan +3,3%, masin midar, marmelada, bani-been, xokolate no hahán midar +0,7%, foos +0,8% no na’an +0,1%.

Nune’e, mina no bokur -3,4%, ai-fuan -0,8%, ikan no hahán tasi -0,6% no kafé, xá, no kokoa -1,0%) sai hanesan mudansa kontráriu ba inflasaun grupu hahán no bebida la’ós alkólika.

Mudansa persentajen IPK anuál sa’e ba +7,3% kompara entre outubru 2022 no outubru 2021, hetan kontribuisaun hosi grupu hahán no bebida la’ós alkólika +7,6%, transporte +12,7%, alkólika no tabaku +28,5%, uma +1,1%, ekipamentu no manutensaun mobiláriu uma-laran +3,6%, kekreasaun no kultura +0,8%, saúde +0,3%, no edukasaun +2,4% ba anuál outubru 2022.

Ba grupu hatais no sepatu -0,4% sai hanesan mudansa kontráriu ba inflasaun grupu hotu ba anuál outubru 2022. Inflasaun tradeable sa’e +0,3% no non-tradeable laiha mudansa 0,0% iha mensál kompara entre outubru 2022 ho setembru 2022.

Inflasaun tradeable sa’e ba +10,6% no non-tradeable laiha mudansa 0,0% iha anuál kompara entre outubro 2022 ho outubru 2021.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!