iklan

COVALIMA, POLÍTIKA

EDTL, E.P Covalima garante eletrisidade lakan oras 24 durante komemora 28 novembru

EDTL, E.P Covalima garante eletrisidade lakan oras 24 durante komemora 28 novembru

Ekipa tékniku EDTL, E.P halo instalasaun ba linha elektrisidade. Imajen Tatoli/Francisco Sony

COVALIMA, 24 novembru 2022 (TATOLI)–Xefe Unidade EDTL, E.P, Alexandre Seran,  informa EDTL, E.P garante eletrisidade sei lakan oras 24 durante komemora loeon proklamasaun independénsia 28 novembru ba dala-47.

“Ha’u hanoin ami mós simu ona orientasaun hosi diretór nasional oriénta ona ba-ami katak atu kontrola no asegura enerjia eletrisidade durante komemora loron nasionál sira, ahi lakan durante 24 hanesan prepara atu komemora loron nasionál 28 novembru iha Covalima. Ami prontu asegura enerjia eletrisidade atu kontrola nune’e ahi labele mate,” Alexandre Seran hateten ba Agência Tatoli, iha Bairru Costa, kinta ne’e.

Atu komemora 28 novembru tékniku EDTL, E.P halo preparasaun antes ne’e  hamoos liña no  tesi ai sira molok simu oriéntasaun hosi nasionál.

Hafoin ne’e, xefe EDTL, E.P mós hetan kontaktu hosi diretór nasional hodi simu orientasaun  atu garante eletrsidade lakan oras 24 durante komemora loron nasionál sira Timor-Leste nian.

Ho nune’e, nia mós fahe oráriu ba téniku sira loron ida na’in-10 ne’ebé sei fahe ba dadeer tékniku na’in-lima (5) kalan mós tékniku na’in-lima (5), nune’e tékniku sira bele kontrola ahi atu garante ahi lakan oras 24 nia laran.

Tuir dadus tékniku ne’ebé servisu iha EDTL, E.P hamutuk na’in-29 hosi númeru ne’e hela de’it na’in-28 hala’o atividade servisu no na’in-ida mate ona.

Tuir observasaun hosi Agência Tatoli nota iha terrenu preparasaun komemora 28 novembru, autoridade Covalima loke ona feira kulinária, jogu bola guling no ekipa isar bandeira sira hala’o ona terrenu.

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!