iklan

COVALIMA

EDTL, E.P monta ona kontadór pre-pagu 5,236 iha Covalima

EDTL, E.P monta ona kontadór pre-pagu 5,236 iha Covalima

Tékniku EDTL, EP Bobonaro halo hela re-instalasaun kontadór iha komunidade sira-nia uma. Imajen Tatoli/Sérgio da Cruz.

COVALIMA, 24 novembru 2022 (TATOLI)–Xefe Unidade EDTL, E.P Covalima, Alexandre Seran, informa Tékniku Eletrisidade Timor-Leste Empreza Públika  (EDTL, E.P) monta ona kontadór pre-pagu 5,236 iha Covalima.

Notísia Relevante: EDTL,E.P simu kontadór pre-pagu faze dahuluk hamutuk 5.000 hosi kompañia 

“Iha postu administrativu Suai, enejrjia eletrisidade kobre hotu ona no ita monta ona kontadór pre-pagu. Tanba antes ne’e, ha’u haruka proposta hodi husu kontadór pre-pagu 8.033 hosi númeru ne’e ita monta ona pre-pagu 5,236, nune’e iha ami-nia armajen falta de’it kontadór pre-pagu 264,” Alexandre Seran relata ba Agência Tatoli, iha Birru Costa, kinta ne’e.

Munisípiu Covalima ho nia postu administrativu sira hanesan Suai, Zumalai, Maucatar, Fatululik, Fatumea, Fohorem no Tilomar maibé projetu dada eletrisidade ba komunidade la’o hela mak iha suku Laktos no Dato Tolu halo ona mobilizasaun no sensibilizasaun.

“Ita-iha Covalima iha postu administrativu hitu, agora daudaun projetu ne’ebé la’o hela iha suku sira hanesan suku Laktos no Dato Tolu halo mobilizasaun, maibé foin lalais ami hala’o sensibilizasaun, tanba ne’e falta suku Fatumea ho ninia projetu sei iha prosesu nia laran,” nia dehan.

Ho nune’e, Tékniku EDTL, E.P monta hotu ona kontadór pre-pagu ba komunidade maibé  bainhira implementa projetu foun mak tékniku sira seidauk monta kontadór pre-pagu ba komunidade mak hanesan iha suku Laktos, Dato Rua foin inaugura tanba prosesu sei la’o suku Fatumea no suku Nanu tanba komunidade seidauk asesu eletrisidade .

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!