iklan

EDUKASAUN, COVALIMA, POLÍTIKA

FONGTIL identifika eskola balun implementa merenda eskolár la tuir menu

FONGTIL identifika eskola balun implementa merenda eskolár la tuir menu

Preparasaun merenda eskolár. Imajen Tatoli/Abílio Elo Nini

COVALIMA, 24 novembru 2022 (TATOLI)–Forum Organizasaun Noun Governamentál Timor-Leste (FONGTIL) liuhosi nia membru identifika eskola sira sei hasoru problema tanba implementa programa merenda eskolár la tuir menu.

 “Ami-nia membru lubuk-ida halo peskiza iha munisípiu sira lubuk ida hanesan Ermera no Lautém inklui ho Covalima kona-ba implementasaun programa merenda eskolár ne’e, eskola barak sei hasoru problema tanba haree ba hahan menus liu la tuir menu,” Miguel da Silva Ornai, hateten  ba jornalista sira iha resintu CCC, Kampung Baru, kinta ne’e.

Razaun eskola implementa programa merenda eskolár hasoru problema tanba hahan menus la tuir estandar, dala ruma hahan hosi nasionál mai oin seluk maibé to’o iha munisípiu sosa hahan, sosa sasán ho presu baratu nune’e estudante sira konsumu ai-han la ho nutritivu.

 Aleinde estudante la han ai nutritive, FONGTIL mós simu keixa hosi estudante katak kada estudante loron ida sei han $0,25 ne’e estudante sira han la bosu, nune’e Governu presiza aumenta tan.

FONGTIL mós identifika problema hanesan dapur kondisaun ladún di’ak, tanba uma kakuluk dodok ona nune’e ladun seguru ba inan sira-ne’ebé tein fó han ba estudante sira iha eskola no osan sai tarde hodi prejudika implementa programa merenda eskolár, fatin ba estudante atu han la iha no la iha tranparánsia.

Razaun laiha tranparánsia tanba jestór osan merenda eskolár la fó informasaun ba sira-ne’ebé mak tein hahan ba estudante sira, hodi hatene loron ida gasta osan hira ba estudante atu tein hahan ba sira ho nune’e hodi hamosu konfuzaun.

Atu buka solusaun konaba Problema laiha tranparansia iha munisípiu bele rezolve la presiza ba to’o iha nasionál maibé ba iha parte nasionàl FONGTIL sei esforsu halo advokasia ho Primeiru Ministru, Parlamentu Nasioná no MEJD hodi haree kona-ba osan $0,25

Tuir dadus eskola 37 kompostu hosi Edukasaun Ensinu Báziku Central (EBC) no pre-eskolár (EPE) privadu no públiku implementa programa merenda eskolár (ME) faze daruak, durante loron 50 ho totál alunu EBC ho nia filiál iha Covalima na’in-14283 ho totál orsamentu $178.537,50, iha munisípiu Covalima.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!