iklan

DEFEZA, HEADLINE

PR Horta konkorda Majór Francisco da Silva asume kargu Xefe Kaza Militár

PR Horta konkorda Majór Francisco da Silva asume kargu Xefe Kaza Militár

Xefe Kaza Militár Prezidénsia Repúblika ,Majór Francisco da Silva. Imajen Tatoli/Egas Cristovão

DILI, 24 novembru 2022 (TATOLI)— Prezidente Repúblika, José Ramos Horta, konkorda ona nomeasaun hosi Komandu FALINTIL–Forsa Defeza Timor-Leste (F-FDTL)  ba Majór Francisco da Silva, atu asume kargu Xefe Kaza Militár iha palasiu Presidensiál.

PR Horta hato’o posizaun ne’e bainhira hala’o enkontru Vise Xefe Estadu Maiór Jenerál, FALINTIL–Forsa Defeza Timor-Leste (F-FDTL), Majór Jenerál Calisto dos Santos “Coli Coliati”, iha sesta (18/11), foin lalais ne’e.

“Kona-ba Xefe Kaza Militár foun ne’e,  foin daudaun iha enkontru semana kotuk, ha’u la bá, maibé  Vise  Xefe Estadu Maiór Jenerál F-FDTL,  Majór Jenerál Calisto dos Santos “Coli Coliati” ba hasoru Prezidente Repúblika hetan konklusaun katak nia (Prezidente Repúblika) mantein  ajudante kampu Prezidente Repúblika agora ne’e, Majór Francisco  da Silva atu asume kargu Xefe Kaza Militár”,  Xefe Estadu Maiór Jenerál, F-FDTL, Tenente Jenerál, Falur Rate Laek ba jornalista sira iha Kuartél Jenerál F-FDTL Fatuhada, kinta ne’e.

Ho desizaun ne’e, Komandante F-FDTL ne’e hato’o ona karta ofisiál ba PR Horta hodi nomea Majór Francisco da Silva atu asume kargu Xefe Kaza Militár.

Hatan kona-ba deviza, nia dehan Komandu F-FDTL sei halo graduasaun ba Majór Francisco da Silva hodi sai Koronél, hodi kontinua asume kargu ne’e.

“Loloos ne’e ho deviza Kolonél maka foin asume kargu Xefe kaza Militár, maibé ita nia kondisaun maka hanesan ne’e, Koronél la to’o atu halo ida ne’e, nune’e husik nia (Majór Francisco da Silva) iha ne’ebá mak ita halo de’it graduasaun ba nia deviza”, katak nia.

Tenente Jeneral ne’e afirma atu halo promosaun ba postu Koronél iha nian regra no rekezitu ne’ebé tenke kumpre mak formasaun tinan ida resin foin bele halo graduasaun hosi postu Majór ba Koronél.

Jornalista: Natalino Costa

Editór      : Florencio Miranda Ximenes

iklan
iklan

Leave a Reply

iklan
error: Content is protected !!