iklan

HEADLINE, MUNISÍPIU, POLÍTIKA, VIQUEQUE

Postu Uatolari preparadu selebra 28 novembru iha suku Uaitame

Postu Uatolari preparadu selebra 28 novembru iha suku Uaitame

Estudante sira hala'o preparasaun kona-bá loron Proklamasaun Independénsia, iha suku Uaitame, postu administrativu Uatulari. Imajen Tatoli/Vitotrino da Costa Lopes.

VIQUEQUE, 26 novembru 2022 (TATOLI)- Postu administrativu Uatolari, munisípiu Viqueque, sei selebra loron proklamasaun independénsia, 28 novembru ba dala-47 iha suku Uaitame.

Postu Uatolari realiza iha suku Uaitame maka sai komisaun organizadora ba komemorasaun 28 novembru hodi preparasaun serimónia komemorasaun.

Estudante sira hala’o preparasaun kona-bá loron Proklamasaun Independénsia, iha suku Uaitame, postu administrativu Uatulari. Imajen Tatoli/Vitotrino da Costa Lopes.Xefe Uaitame, José do Rosário, haktuir tinan ne’e Uaitame sai uma na’in ba realizasaum hasa’e bandeira nível Postu administrativu Uatolari nian.

“Komemorasaun 28 novembru nian ami hahú halo preparasaun 24 novembru, to’o agora ami-nia preapasaun ne’e preparadu ona. Aban loron 27 novembru ami sei husu misa ba eroi sira no kari ai-funan iha uma mahon postu Uatulari,” xefe suku Uaitame ne’e hateten ba Tatoli, iha suku Uaitame, sábadu ne’e.

Autoridade suku Uaitame ne’e hatutan, kona-ba preparasaun ekipa hasa’e bandeira hamutuk na’in-42 ne’ebé parte membru Polísia Nasionál Timor Leste eskuadra Uatolari fó formasaun parada nian ba estudane Uaitame-oan sira, hahú hosi 14 to’o 26 novembru ne’e.

Orsamentu ba komemorasaun 28 novembru munisípiu Viqueque prevee ba postu Uatolari humutuk $2,500.

“Loron istóriku Timor Leste nian sai importante ba povu hotu, hodi festeza hanesan 20 maiu no 28 novembru. Ho ida-ne’e ami hakarak husu ba Governu tau osan hodi realiza serimónia iha baze atu komunidade sira bele partisipa hodi hatene loron istoriku sira-ne’e. Tanba ba komemorasaun ida-ne’e governu apoia $7.500, entaun ami sente labele ami husu kontribuisaun fali ba ami-nia komunidade sira maka realiza atividade sira-ne’e,” nia hato’o.

Enkuantu atividade komemorasaun ba 28 novembru suku Uaitame sei realiza desportu komunitáriu hanesan dada tali, halai karon, atrasaun no sa’e bua hodi anima komunidade sira iha postu adiministrativu Uatolari.

Jornalista: Vitorino Lopesnda Costa
Editór : Evaristo Soares Martins

iklan
iklan

Leave a Reply

iklan
error: Content is protected !!