iklan

HEADLINE, MUNISÍPIU, OÉ-CUSSE (RAEOA), POLÍTIKA

Primeiru Ministru sei hamutuk ho povu Oé-Cusse komemora 28 novembru

Primeiru Ministru sei hamutuk ho povu Oé-Cusse komemora 28 novembru

Primeiru Mimistru, Taur Matan Ruak, to'o ona Oé-Cusse simu direita hosi Autoridade RAEOA ho lian na'in-sira iha fronteira Sakato. Imajen espesiál

OÉ-CUSSE, 26 novembru 2022 (TATOLI) – Primeiru Ministru, Taur Mata Ruak, akompaña hosi Ministru ba Asuntu Parlamentár no Komunikasaun Sosiál (MAPKomS), Fransisco Jerónimonimo, sábadu ne’e to’o iha Rejiaun Administrativa Espesiál Oé-Cusse Ambeno (RAEOA), hodi hamutuk ho povu Atoni selebra loron Proklamasaun Independénsia, 28 novembru 2022.

Hafoin to’o fronteira Wini-Sakato, simu direita hosi Prezidente Autoridade RAEOA, Arsénio Paixão Bano, hamutuk veteranu no lia na’in-sira, autoridade komunitáriu hodi simu Xefe Governu ne’e ho lian-dadolin (takanab), bidu no tebe tradisionál nu’udar tradisaun kulturál Oé-Cusse ninian.

“Bemvindo Primeiru Ministru RDTL ohin mai to’o ona Oé-Cusse, hodi hamutuk ho povu Oé-Cusse atu selebra loron istóriku Proklamasaun Independénsia 28 Novembru da dala-47 iha semana oin, nune’e ohin sei hamutuk ho komunidade sira atu realiza karavana kulturál hodi promove kultura nu’udar identidade Oé-Cusse nian,” Prezidente Autoridade RAEOA, Arsénio Paixão Bano, ko’alia iha fronteira Sakato, suku Nipani, sub-rejiaun Pante Makasar.

Arsénio Bano sente orgullu no agradese ba VIII Governu Konstitusionál tanba tinan ne’e hili Oé-Cusse, atu selebra loron proklamasaun indepensia ba dala-47 iha povu Oé-Cusse nia leet, hodi fó ksolok ba populasaun hotu iha rejiaun ne’e.

Jornalista: Abílio Elo Nini
Editór: Evaristo Soares Martins

iklan
iklan

Leave a Reply

iklan
error: Content is protected !!