iklan

HEADLINE, SAÚDE

Asistente Sekretáriu Jerál ONU-koordenadora SUN Gerda Verburg vizita TL

Asistente Sekretáriu Jerál ONU-koordenadora SUN Gerda Verburg vizita TL

United Nation Assistant Secretary-General Coordinator, Scaling Up Nutrition (SUN), Gerda Verburg, hala'o konferénsia imprensa, iha Aeroportu Internasionál Prezidente Nicolau Lobato, Comoro, segunda (28/11). Imajen Tatoli/Francisco Sony

DILI, 28 novembru 2022 (TATOLI)–Asistente Dejretáriu Jerál Organizasaun Nasaun Unida (ONU) no Koordenadora Globál Scaling Up Nutrition (SUN) Movement, Gerda Verburg, segunda ne’e, vizita Timor-Leste.

Objetivu hosi vizita ne’e hodi hatan hosi Primieiru-Ministru Taur Matan Ruak  nian hodi hamutuk ho entidade iha Timor-Leste  atu halo dekusaun progresu nutrisaun no kombate má nutrisaun iha Timor-Leste.

Kordenadora SUN Global, Asisten Sekertáriu Jerál United Nations (UN), Gerda Verbung. Imajen Tatoli/Francisco Sony

“Ha’u kordendora Globál Scaling Up Nutrition (SUN) Movement ka movimentu atu hadi’a nutrisaun, mai vizita Timor-Leste hodi hatán karta Primeiru-Ministru Taur Matan  Ruak ne’ebé husu katak presiza diskute hamutuk kestaun nutrisaun iha Timor-Leste,” Gerda Verburg hateten ba jornalista sira iha sala Verry Important Person (VIP) Aeroportu Internasionál Nicolau Lobato Comoro, segunda ne’e.

 

VIII Governu Konstitusionál ne’ebé lidera hosi Primeiru-Ministru Taur Matan Ruak iha mós programa prioridade ida mka oinsá atu kombate má nutrisaun iha Timor-Leste, tanba problema má nutrisaun noinseguransa ai-han sai hanesan fatór importante ida atu oinsá kombate.

Tanba ne’e, nia dehan, presiza tau hanoin hamutuk liu-liu entidade hotu atu bele kombate má nutrisaun iha Timor-Leste.

Nia hateten, Governu tenke foku hodi kontinua mantein politika kombate má nutrisaun iha nutrisaun iha Timor-Leste.

“Se bele mantein prioridade ne’ebé mak iha no liu-liu ba kestaun nutrisaun ba inan isin-rua sira, bebé ne’ebé mak sei iha inan nia knotak presiza konsumu nutrisaun di’ak,” Koordenadora Globál Scaling up nutrition (SUN) Movement ne’e hateten.

Iha fatin hanesan, Vokál Scaling up Nutrition (SUN) Movement iha Timor-Leste, Filipe da Costa, hateten , nia parte orgullu ho presensa  Korndenadora Globál  Scaling up nutrition (SUN) Movement Gerda Verburg vizita Timor-Leste, tanba ho vizita ne’e bele  tau hanoin hamutuk oinsá atu hadi’a má nutrisaun no inseguransa ai-han iha Timor-Leste.

“Ita hatene katak oras ne’e daudaun ita-nia rai sofre má nutrisaun no inseguransa ai-han, entaun vizita ida-ne’e halo ita serbisu hamutuk liután oinsá atu hasae ai-han ne’ebé seguru no tutrisaun ne’ebé di’ak ba ita-nia povu. Ami espera katak vizita ne’e bele inspira liután programa sira atu rezolve má nutrisaun iha ita-nia rai,” Filipe haktuir.

Enkuantu Timor-Leste liuhosi PM Taur iha tinan rua kotuk haruka ona karta ba Organizasaun Nasaun Unida (ONU) atu Timor-Leste sai membru Scaling up Nutrition (SUN) Movement.

Entertantu Koordenadora Globál Scaling up Nutrition (SUN) Movement Gerda Verburg sei halo nia vizita iha Dili durante loron lima hahú loron 28 novembru to’o iha loron 02 dezembru 2022.

Durante estadia iha Dili, Koordenadora Globál Scaling up Nutrition (SUN) Movement, Gerda Verburg, sei halo vizita kortejia ba iha Prezidente Repúblika, José Ramos Horta, Primeiru-Ministru Taur Matan Ruak, Parlamentu Nasionál, lider bankada sira, sosidade sivil, universidade, konsellu no entidade seluk tán hodi diskute kona-ba kestaun kombate má nutrisaun iha Timor-Leste.

Jornalista : Natalino Costa

Editór       : Cancio Ximenes

iklan
iklan

Leave a Reply

iklan
error: Content is protected !!