iklan

MUNISÍPIU, VIQUEQUE

Governu distribui sertifikadu títulu na’in ba rai iha Viqueque

Governu distribui sertifikadu títulu na’in ba rai iha Viqueque

Vise Ministru Edukasaun Juventude no Desportu (MEJD), António Guterres, entrega sertifikadu títuu na’in ba rai ba benifisiáriu Uma Kbiit Laek (UKL), Antonio Sares, iha serimómia komemorasaun ron proklamasaun independénsia bad ala-47 iha Viqueque, segunda (28/11). Imajen Tatoli/Vitorino Lopes da Costa.

VIQUEQUE, 28 novembru 2028 (TATOLI)—Vise Ministru Edukasaun Juventude no Desportu, António Guterres, reprezenta Governu entrega sertifikadu títulu na’in rai ba abitante na’in-ida (1) iha postu adiministrativu Viqueque Villa, munisípiu Viqueque.

Diretór Servisu Teras Propriedade Munisípiu Viqueque, Apolinario Ximenes, hateten Governu liuhosi Ministériu Justisa entrega ona sertifikadu títulu na’in ba rai ba benifísiariu na’in-ida (1).

“Lansamentu nasionál horiseik domingu (27/11), ohin munisípiu Viqueque reprezenta membru Governu mak entrega ba ita-nia benifísiariu na’in-ida mak hetan uluk, tanba benifísiariu ne’e hetan Uma Kbiit Laek,” Apolinario Ximenes hateten ba jornalista Agência Tatoli, iha Kampu Futeból Demokrasia, Vqueque, segunda ne’e.

Kona-ba prosesu hetan sertifikadu títulu ba na’in ba rai ne’e, nia dehan, dauluk tékniku teras propriedade halo uluk levantamentu ba UKL no uma veteranu nian agora tanba UKL sira hetan ona levantamentu hosi sistema nasionál kadastru, maibé parte dirasaun teras kontinua haree parsela rai nian.

Iha prosesu nia laran mak mosu reklamasaun ruma ba rai, parte dirasaun teras no propriedade sei la atribui sertifikadu ba benifísiariu sira.

“Entaun prosesu levantamentu rai nian iha Viqueque ne’e la’o ami hetan benifisiariu na’in-tolu ne’ebé hetan UKL, maibé na’in-ida rezigna-an no na’in-ida Ministériu Justisa pendente ninia sertifikadu banhira seidauk públika mapa iha loron 90,” nia hateten.

Ba benefisiáriu UKL sira-ne’ebé ohin seidauk hetan sertifikadu títulu nain ba rai, dirasaun teras no propriedade Viqueque sei halo públikasaun durante loron 90 mak laiha reklamasaun ruma, dirasaun teras no propriedade sei entrega sertifikadu ba sira.

“Ba maluk sira-ne’ebé ohin la hetan sertifikadu, ami sei públika mapa durante loron 90 mak laiha reklamasaun ami sei atribui tan sertifikadu ba benifísáriu sira,” nia dehan,

Benifísiariu UKL ne’ebé simu sertifikadu títulu na’in ba rai, Antonio Soares, hosi aldeia Cabira-Oan, suku Caraubalo, postu administrativu Viqueque Vila, munisípiu Viqieque.

Jormalista : Vitorino Lopes da Costa

Editór          : Cancio Ximenes

iklan
iklan

Leave a Reply

iklan
error: Content is protected !!