iklan

HEADLINE, MUNISÍPIU, OÉ-CUSSE (RAEOA), POLÍTIKA

Prezidente Parlamentu TTU felisita povu Timor-Leste ba komemorasaun proklamasaun 28 novembru

Prezidente Parlamentu TTU felisita povu Timor-Leste ba komemorasaun proklamasaun 28 novembru

Prezidente Parlamentu Lokal TTU, Hendrik Fredi Bana. Imajen Tatoli/ Abílio Elo Nini.

OÉ-CUSSE, 28 novembru 2022 (TATOLI) – Prezidente Parlamentu Lokál distritu Timur Tenggah Utara (TTU), provínsia Nusa Tenggara Timur (NTT), Repúblika Indonézia, Hendrik Fredi Bana, felisita povu Timor-Leste, ne’ebé segunda ne’e komemora loron proklamasaun independénsia Timor-Leste da dala-47.

“Ha’u lori komunidade TTU nia naran hanesan rai viziñu direita ho Oé-Cusse, hakarak hatoo parabéns ba povu Timor-Leste, ne’ebé selebra loron proklamasaun independénsia Timor-Leste nian ba dala-47, espera ho loron istóriku ne’e lori ksolok dame no moris ba ita, populasaun iha illa Timor,” Hendrik Fredi Bana, hatete iha Oé-Cusse, hafoin partisipa iha iha komemorasaun proklamasaun independénsia 28 novembru.

Nu’udar reprezentante povu iha TTU, sente orgullu no konsidera ho loron istória ne’e nu’udar mumentu importante atu hametin relasaun amizade nu’udar nasaun viziñu.

“Ami agradese ba Autoridade RAEOA tanba konvida ami atu partisipa iha komemorasaun loron proklamasaun independénsia Timor-Leste nian iha Oé-Cusse. Ida+ne’e hanesan momentu importante hodi hametin relasaun atu oinsá iha futuru bele dudu prosesu dezenvolvimentu, liuliu ba atividade ekonomia tanba Oé-Cusse ho TTU baliza direitamente no mós iha tempu badak ita sei serbisu hamutuk liuhosi zona ekonomia perdagangan bebas iha fronteira,” nia katak

Entretantu, serimónia komemorasaun loron proklamasaun independénsia Timor-Leste 28 novembru ba dala-47 prizide hosi Primeiru Ministru Taur Mata Ruak, ne’ebé realiza iha kampu demokrasia, Palaban Um de Maio, sub-rejiaun Pante Makasar.

Jornalista: Abílio Elo Nini
Editór: Evaristo Soares Martins

iklan
iklan

Leave a Reply

iklan
error: Content is protected !!