iklan

BOBONARO, MUNISÍPIU

Rai halai rezulta estrada Ozo Liga ba postu Lolotoe no Covalima grave

Rai halai rezulta estrada Ozo Liga ba postu Lolotoe no Covalima grave

Kondisaun estrada iha aldeia Ozo, suku Lontas, postu administrativu Lolotoe, munisípiu Bobonaro ne'ebé hetan estragu hosi rai-halai hafoin akontese udan iha loron 26 novembru ne'e. Imajen espesiál.

BOBONARO, 29 Novembru 2022 (TATOLI)- Akontesimentu udan-boot iha  loron 26 novembru ne’e rezulta rai halai afeta ba estrada iha aldeia Ozo, suku Lontas, postu administrativu Lolotoe, munisípiu Bobonaro ne’ebé Liga ba postu Loloto’ñe vila no munisípiu Covalima kondisaun grave.

Xefe suku Lontas, Alipio de Jesus, informa estrada xubida ne’ebé hetan estragu kuaze metru 10 resin, inklui poste eletrisidade ne’ebé instala iha área ne’e mos balu monu hotu.

Notísia relevante: Governu presiza halo intervensaun urjénsia ba estrada Galisapulu iha Bobonaro

“Agora estrada nia kondisaun grave loos, tanba ate agora udan seidauk para, movimentasaun transporte labele ultrapasa tanba rai halai, estrada ne’e atu kotu, muda ba fatin seluk moso la di’ak ona, ne’ebé povu sira hein hela, karik sira atu hakat liu, motorizada kiik sira-ne’e ema bele ajuda, mais ema na’in ida de’it araska,” nia informa Tatoli liuhosi telefónika, tersa ne’e.

Kondisaun estrada ne’e difikulta movimentasaun transporte públiku no privadu defisil tenés.

“Agora motor kiik bele liu, maibé komunidade sira ajuda, ita selu $2 ka $3, ami lideransa komunitária atu lori proposta ba Maliana de’it mós la di’ak, tanba motorizaea labele liu ne’e,” Xefe suku Lontas katak.

Relasiona ho problema ne’e lideransa komunitária ne’e husu ba Ministériu Obras Públika (MOP) atu orienta Institutu Jestaun Ekipamentu, Institutu Públiku (IGE,I.P sigla portugéss) atu mai halo normalizasaun ermerjénsia nune’e movimentasaun transporte públiku ba atividade ekonomia no programa Governu nia iha suku bele la’o normál hikas fali.

“Tanba foin daudaun realidade ne’ebé maka iha ne’e hansan programa Cesta bázika lori mai Lolotoe ne’e, sira transfere de’it hosi sorin mai sorin tanba karreta ultrapasa ladi’ak,” nia hatutan.

Xefe suku Lontas ne’e husu Governu tau prioridade atu halo konstrusaun foun ruma, halo estudu viablidade kle’an nune’e labele aat fali.

Tuir dadus estatístika munisípiu Bobonaro tinan 2020, postu administrativu Lolotoe iha aldeia 20, suku hitu, ho totál populasaun na’in 8,706 komposta hosi mane 4,810 no feto 3,936, ho totál xefe família 2.006.

Notísia relevante: IGE normaliza ona fatin estragu tolu iha Bobonaro

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!