OÉ-CUSSE, 29 novembru 2022 (TATOLI) – Primeiru Ministru, Taur Matan Ruak, ajenda ona katak iha inísiu 2023, Governu Timor-Leste (TL) no Repúblika Indonézia (RI) sei selebra nota entendimentu ba implementasaun zona merkadu livre iha liña fronteira entre Rejiaun Administrativa Espesiál Oé-Cusse Ambeno (RAEOA) ho Provínsia Nusa Tenggara Timur (NTT), distritu Timur Tengah Utara.
“Daudaun ne’e Governu ho Prezidente Repúblika negosia hela ho Repúblika Indonézia atu transforma no dezenvolve zona merkadu livre iha Oé-Cusse, preparasaun daudaun ne’e iha hela komisaun interministeriál ida, MEKAE mak lidera, depois halo preparativu hosi ita-nia parte, nune’e ita bele implementa iha 2023″, primeiru Ministru ko’alia iha ámbitu jantár kalan ne’ebé hala’o iha otél Ambeno, Oé-Cusse, segunda ne’e.
Nia dehan, Timor-Leste presiza eleva nível kooperasaun, liuliu buka dalan ba investimentimentu, tanba daudaun ne’e ASEAN aseita ona prinsípiu.
“Agora ita tenke prepara-aan, tán ne’e ha’u husu unidade no nafatin serbisu badinas,” nia katak.
Jornalista : Abílio Elo Nini
Editór : Evaristo Soares Martins
