iklan

BAUCAU, HEADLINE, MUNISÍPIU, SOSIEDADE SIVĺL

Bispu Dioseze Baucau foun sei fó-sai iha dezembru

Bispu Dioseze Baucau foun sei fó-sai iha dezembru

Bispu Dioseze Maliana, Don Noberto Amaral. Imajen Imajen Tatoli/Natalino Belo.

 BAUCAU, 30 novembru 2022 (TATOLI) – Prezidente Episkopál Timor-Leste nian (CET, sigla portugés), Don Norberto Amaral, hateten posibilidade Bispu Dioseze Baucau foun sei fó-sai iha fulan-dezembru.

Prezidente CET no Bispu Dioseze Maliana, Don Norberto Amaral, hasu ba sarani hotu iha Dioseze Baucau atu kontinua hein despaixu hosi Vatikanu kona-ba Bisipu Dioseze Baucau foun hodi troka saudozu Don Basílio do Nascimento, ne’ebé Maromak bolu hikas ona iha tinan-2021.

“Tuir loloos ne’e dezembru fó-sai ona maibé ita lahatene karik tanba nunciatura seidauk mai ne’e mak nune’e,” Bispu Dioseze Maliana hateten iha Igreja Katedráll Baucau, Vila Antiga, kuarta ne’e.

Don Norberto iha esperansa Bispu Dioseze Baucau foun ne’ebé eleitu bele sai bibi atan di’ak no hakuak sarani hotu iha Dioseze Baucau.

Kandidatu ba Bispu foun hodi lidera Dioseze Baucau maihosi padre Dioseze tolu kompostu hosi Dili, Maliana no Baucau rasik.

“Ita hein de’it rezultadu hosi boot sira hatún mai, nu’udar sarani tenke kontinua hein,” Don Noberto akresenta.

Administradór Dioseze Baucau, Padre Alipio Pinto Gusmão, hateten, durante tinan-ida dioseze Baucau moris iha triste laran tanba lakon Bispu Don Basílio do Nascimento nune’e bispu nain-rua Don Noberto do Amaral no Don Virgílio Cardeál do Carmo da Silva mak sempre prezensa bainhira Dioseze Baucau presiza.

Nune’e, Padre Alipio Gusmão husu ba sarani Dioseze Baucau atu kontinua hein no reza atu iha tempu besik iha rezultadu bisipu foun hodi ledera Dioseze Baucau.

“Iha tempu adventu, ita hein no reza nafatin atu Bispu foun bele mai lalais,” Padre Alipio Pinto Gusmão hateten.

Dioseze Baucau rasik daudaun ne’e lidera hosi adminstradór Dioseze, Padre Alipio Pinto Gusmão ne’ebé provizoriumente halao kna’ar administra dioseze refere hafoin Don Basílio do Nascimento hakotu peregrinasaun iha mundu iha loron 30 outubru tinan-2021.

Jornalista  : Natalino Belo

Editór        : Evaristo Soares Martins

iklan
iklan

Leave a Reply

iklan
error: Content is protected !!