iklan

HEADLINE, SAÚDE

MS husu ema ho HIV-SIDA “labele moe” bá sentru saúde

MS husu ema ho HIV-SIDA “labele moe” bá sentru saúde

Ministra Saúde, Odete Maria Freitas Belo. Imajen Tatoli/Antonio Daciparu

DILI, 01 dezembru 2022 (TATOLI)— Ministra Saúde, Odete Maria Freitas Belo, hateten profisionál saúde sira prontu fó asistensia medika ba ema ho moras HIV/SIDA, nune’e husu ba sidadaun sira ne’ebé sofre HIV/SIDA atu labele moe hakat ba sentru saúde hodi hetan tratamentu saúde.

“Ami prontu fó asisténsia médika  ba ema ho moras HIV/SIDA tanba ne’e husu ba maluk sira karik   hetan moras HIV keta moe atu hakbesik an ba fasilidade saúde ne’ebé mak besik”, Ministra Odete dehan bainhira partisipa la’o ain husi BJ Habiebie mai to’o Largo Lecidere hodi selebra loron  mundiál HIV-SIDA.

Governante mós husu ba sidadaun hotu liuliu Profisionál saúde atu labele diskrimina no stigma hasoru ema ho HIV-SIDA, maibé tenke konsola sira atu ba fasilidade saúde halo tratamentu

“Ita nafatin fó mensajem ba sira atu labele para hemu ai-moruk ida dalan klaran, maibé kontinua hemu to’o diak”, Governante ne’e sujere.

Ministériu Saúde durante ne’e hetan apoiu husi Fundu Globál atu kombate moras HIV-SIDA iha Timor-Leste.

Iha biban hanesan, Reprezentante Organizasaun Mundiál Saúde iha Timor-Leste, Arvind Mathur, dehan ema hotu iha direitu asesu ba infomasaun liuliu ba moras HIV/SIDA atu halo prevensaun ba sira nia-an.

“Tanba ne’e, populasaun hotu tenke iha koñesimentu hodi prevene moras HIV-SIDA iha Timor Leste”, katak

Tuir dadus husi Ministériu Saúde katak ema ne’ebé afetadu HIV-SIDA hahú 2003 to’o 2022 ma hamutuk 1.776, hosi númeru ne’e óbitu na’in-260.

Jornalista : Felicidade Ximenes

Editór      : Florencio Miranda Ximenes

iklan
iklan

Leave a Reply

iklan
error: Content is protected !!