iklan

DILI, POLÍTIKA

Taur: “Partidu ne’ebé ha’u halo parte kontra lei pensaun vitalísia”

Taur: “Partidu ne’ebé ha’u halo parte kontra lei pensaun vitalísia”

Primeiru-Ministru, Taur Matan Ruak. Imajen Tatoli/Francisco Sony.

DILI, 01 dezembru 2022 (TATOLI)—Atuál Primeiru-Ministru (PM) no Prezidente Partidu Libertasaun Populár (PLP), Taur Matan Ruak, hateten desde uluk partidu PLP ne’ebé nia hola parte kontra lei pensaun vitalísia.

Notísia Relevante: Komisaun A promete fó prioridade ba alterasaun lei Pensaun Vitalisia

“Ha’u hanoin buat rua la hanesan karik lei pensaun vitalisia ne’e atividade ida Parlamentu Nasionál mak tenke deside altera. Maibé buat ne’ebé ha’u hatene katak iha ajenda, pelumenus partidu ne’ebé ha’u halo parte (PLP) ne’e, ami kontra lei pensaun vitalísia,” Xefe Governu no Prezidente Partidu Libertasaun Populár (PLP) ne’e hateten ba jornalista sira hafoin ramata enkontru ho Xefe Estadu, José Ramos Horta, iha Palásiu Prezidensiál Nicolau Lobato, Bairru Pite, kinta ne’e.

Nia hatutan, tanba ne’e kontinua ajenda no agora konserteza Parlamentu Nasionál (PN), la’ós partidu ida de’it maibé barak.

“Prezidente Parlamentu Nasionál nia nosaun nia hatene preokupasaun sosiedade nian, partidu sira seluk nian. Purtantu, ne’e jestaun ida iha Parlamentu la’ós ba Primeiru-Ministru mak ko’alia kona-ba ida-ne’e,” nia hateten.

Notísia Relevante: PLP: alterasaun lei pensaun vitalísia aposta ba rejime jurídiku seguransa sosiál

Jornalista : Nelson de Sousa

Editór      : Cancio Ximenes

 

iklan
iklan

One Comment

  1. Maibé, to’o agora, sesaun lejizlativa atu hotu ona, ita nunka rona Deputadu ruma husi PLP foti kestaun ida-ne’e iha plenária. Ne’ebé ita atu fiar ba ba na’i PM nia lia-fuan ne’e mós susar uitoan.

Leave a Reply

iklan
error: Content is protected !!