iklan

NASIONÁL, HEADLINE, KAPITÁL

MOP orienta empreza Dili United hasai sedimentasaun iha valeta

MOP orienta empreza Dili United hasai sedimentasaun iha valeta

Ministru Obra Públika, Abel Pires da Silva. Imajen Tatoli/Francisco Sony

DILI, 02 dezembru 2022 (TATOLI)—Ministériu Obra Públika (MOP) liuhosi Diresaun Nasionál Estrada Ponte no Kontrolu Seia (DNPCC, sigla portugés) orienta ona empreza Dili United Unipessoal, Lda, hosi hasai sedimentasaun iha valeta, kapitál Dili.

“Horiseik ita hasoru malu ona ho empreza Dili United Unipessoal Lda, atu oriente sira serbisu daudaun ona suru sai rai-henek no sedimentasaun iha valeta sira Dili laran ne’ebé identifika hanesan risku ba inundasaun, nune’e bee bele sirkula ho di’ak,” Ministru Obra Públika, Abel Pires da Silva, hateten iha salaun DNPCC, Raikotu, sesta ne’e.

Notísia relevante: IGE mobiliza ekipamentu urjénsia rezolve sedimentasaun iha Dili

Empreza tau prioridade ba fatin hanesan hanesan Metiaut, Balide, Bairru Pité no Caicoli, ho risku inundasaun kada tinan tanba sedimentasaun.

“Agora ita orienta uluk empreza sira hahú serbisu tanba agora tempu udan ona. Asina kontratu ne’e depois fali, montante orsamentu la liu millaun $1,” nia akresenta.

Aleinde ne’e, empreza mós sei hamoosi rai-rahun sira iha estrada sira iha Dili laran.

Jornalista   : Arminda Fonseca

Editora        : Julia Chatarina

iklan
iklan

One Comment

  1. povu nia lian:
    tuir lolos ministro ESTATAL orienta nia Chefe Aldeia to Posto sira para organiza nia populasaun hodi halo limpeza no hamos valeta. karik kontratu kompania bele maibe ba suru rai henek iha mota bobot sira ne’e laos mai hamos fali valeta iha komunidade nia uma leet. kuitadu. Timor Leste nia boot sira nia hanoin mak nune’e ou ya fatin chefe aldeia mos la konhese nia komunidade sa tan postu sira HELENA SA. “povu kiik nia lian”

Leave a Reply

iklan
error: Content is protected !!