COVALIMA 07 dezembru 2022 (TATOLI) – Diretora servisu Saúde Covalima Maria de Fátima Moniz, relata estoke ai-moruk iha armazien servisu saúde covalima sei sufisiénte atu distribui ba sentru saúde no postu saúde ne’ebe estabelese iha Covalima.
“ Ita-nia estoke ai- moruk iha armazen sei sufisiente atu distribui ba sentru saúde no postu saúde sira ne’ebé mak estabelese ona iha munisípiu covalima ba komunidade sira ne’ebe konsulta iha sentru saúde no postu saúde sira, tanba kada loron responsivél sira update informasaun konaba estoke aimoruk” , Maria de Fátima Moniz, informa ba agensia tatoli, covalima.
Razaun reponsavél programa sempre update informasaun konaba estoke aimoruk iha sentru saúde no postu saúde sira , hanesan ai moruk esensiál paracetamal sei uza balun de’it no iha postu saúde balun presija entaun foti balun.
“ Ita hatene responsabel programa farmásia hanesan aimoruk parasetamal uza balun entaun estoke aimoruk ne’ebé mak iha ita bele foti fali, iha sentru saúde no postu saúde ne’ebé mak presiza aimoruk ida-ne’e mak funsaun husi tableta hodi bele haree no asegura estoke aimoruk iha sentru saúde no postu saúde labele iha estoke out”, nia dehan.
Ho nune’e estoke aimoruk iha armajen sei sufisiénte tanba foin foti iha farmasia rejionál foti aimoruk esensiál sira hanesan, amocilin, paracetamal, oralit aimoruk sira ne’ebé pasiente konsumu barak liu iha sentru saúde no postu saúde.
Aleinde mós tipu aimoruk salbutamol, deklofenat barak liu ladun konsumu iha sentru saúde no postu saúde bele espira de’it, tanba médiku sira ladun indika ba tipu aimoruk sira ne’e. nune’e aimoruk sira fó fila fali ho razaun pasiénte mak la iha duni atu uza aimoruk ne’e rasik .
“Maske aimoruk Salbutamol ne’ebé uza ba pasiénte sira iis boot la uza to’o espira de’it, maibé ami nafatin husu bele matein bainhira iha kazu ruma hein atu uza de’it ona”. nia hateten.
Jornalista:Celestina Teles
Editor:Cancio Ximenes.
