iklan

NASIONÁL, JUSTISA, DILI, HEADLINE

PCIC seidauk finaliza kazu Padre Abito

PCIC seidauk finaliza kazu Padre Abito

Logotipu PCIC. Imajen/espesiál

DILI, 07 dezembru 2022 (TATOLI)-Portavós Polísia Sientífika Investigasaun Kriminál  (PCIC , sigla portugés), Octavio da Costa Araújo, hateten investigasaun ba kazu Amo Abito José Brites Casimeiro nia mate PCIC seidauk finaliza prosesu investigasaun.

Amo Abito José Brites Casimeiro envolve iha kazu asidente tráfegu ida iha Dare, postu administrativu Vera Cruz, munisípiu Dili iha loron segunda(22/8) ho motorizada  Jupiter MX, ho xapa-matríkula E 8081 hetan asidente tráfegu  hodi rezulta Amo Abito José Brites Casemeiro lakon vida inklui no sidadaun feto hetan kanek kmaan.

“Relasioa ho Amu Abito nia kazu, konforme tuir lei ne’ebé atribui kompeténsia ba PCIC, momentu ne’ebá hafoin ita elabora tiha auto-notísia ba Ministeriu Públiku no  MP delega fila-fali mai PCIC hodi PCIC halo kontinua prosesu  e prosesu ne’e to’o  ona iha ne’ebé, la’o oinsá, ida-nee segredu, ami labele fó hatene. Maibé tuir prosesu sedu ho tarde sei iha desizaun finál hosi Tribunál,” Portavóz PCIC Octavio da Costa Araújo ba jornalista sira iha kna’ar fatin Colmera, Kuarta  ne’e.

Nia dehan, daudaun ne’e PCIC kontinua halo investigasaun ba kazu ne’e rasik atu kleur ka lae ne’e Ministériu Públiku maka sei tempu ba PCIC hodi konklui nia prosesu investigasaun.

“Ha’u hanoin prazu ba investigasun ne’e depende ba Ministériu Públiku, sira  maka sei fó tempu ba investigadór PCIC hodi halo prosesu  ba kazu ida-ne’e,” hateten, Octavio da Costa.

Jornalista: Natalino Costa   

Editór: Evaristo Soares Martins

iklan
iklan

Leave a Reply

iklan
error: Content is protected !!