Estudante ESGP Suai 624 aprovadu iha ezame nasionál

COVALIMA, 12 dezembru 2022 (TATOLI)—Estudante finalista tinan 2022 na’in-624 hsi Eskola Sekundáriu Jeral Públiku (ESGP, sigla portugés) Suai ne’ebé tuir ezame nasionál aprovadu 100%.

“Ohin fó-sai rezulta ba estudante ne’ebé tuir ezame nasionál iha periódu 2022 nune’e  estudante na’in-624 husi eskola   Eskola Sekundáriu Jeral Públiku  Suai (EGP-sigla portugés) 100% aprovadu hotu,” Diretór ESGP Suai, Francelino Freitas Carvalho, informa ba jornalista sira iha ESGP Suai, segunda ne’e.

Bazea ba rezultadu ezame nasional ne’ebé hatudu katak Estudante 624 apravadu hotu iha ezame nasional ne’ebé kompostu hosi estudante Siénsia Téknólojia 316 no estudante Siénsia Sosiál Humanitária (CSH) na’in-307.

Nia informa, estudante na’in-624 ne’ebé estudante na’in-sia (9) mak hetan klasifikasaun ho valór 51, estudante na’in-tolu (3) valór-50 no estudante na’in-tolu (3) mak valór 49.

Tuir dadus, estudante finalista ba periódu 2022 hosi eskola sekundáriu jerál Suai ne’e, estudante na’in-36 prenxe kritéria atu hodi bele prenxe formuláriu atu tama Universidade Nasional Timor-Leste (UNTL).

Dadus hosi servisu edukasaun munisípiu Covalima, estudante finalista ne’ebé tuir ezame nasional periódu 2022 hamutuk 2.812 ne’ebé tuir ezame hahú hosi loron 24 to’o loron 27 fulan-outubru 2022.

Jornalista : Celestina Teles

Editór      : Cancio Ximenes