iklan

INTERNASIONÁL, HEADLINE, LIFESTYLE

Esmeralda de Fátima okupa segundu lugár iha eventu KAJATI

Esmeralda de Fátima okupa segundu lugár iha eventu KAJATI

Atleta Esmeralda de Fátima kompete ho jurus Kyorugi iha Kupaun. Imajen Tatoli/ Abílio Elo Nini.

KUPANG, 13 dezembru 2022 (TATOLI) – Atleta Taekwondo Esmeralda da Costa de Fátima, ho idade tian 11 hosi Rejiaun Administrativa Espesiál Oé-Cusse Ambeno (RAEOA), okupa segundu lugár iha kompetisaun ho istilu Kyorugi iha eventu Kepala Kejaksaan Tinggi (KAJATI) ne’ebé realiza iha salaun desportu (GOR) Kupaun, provínsia Nusa Tenggara Timur (NTT), Repúblika Indonézia.

Esmeralda de Fátima, liu selesaun iha klase pra-kadet ho todan 33 hamutuk atleta na’in-lima, maibé nia sorti di’ak tanba iha dada rifa hetan by, nune’e durante kompete konsege halakon atleta rua iha 4 finál, hafoin hakat ba finál hodi hadau primeiru lugár maibé falla tanba lakon ho atleta Nafisha Almudi hosi Lambada NTT.

Atleta na’in-lima ne’e maka hanesan, Esmeralda Domingas da Costa de Fátima hosi RAEOA, Nafisha Almudi hosi Lambada NTT, Mikayla Yohana Seco hosi Papmos Kupaun, Adelfa Syaffani Ibrahim hosi Lambada NTT, Anisa Mutia Salsabila hosi TTU A.

Purtantu, atleta Esmeralda da Costa de Fátima moris iha 11 fevereiru 2011, aman Roger de Fátima, inan Juliana Melab. Daudaun ne’e hala’o hela nia estudu iha eskola Um de Maio. Hahú envolve iha Taekwondo tinan 2020 iha Asosiasaun Taekwondo Oé-Cusse.

Nune’e, Roger de Fátima, nu’udar aman domin, ne’ebé akompaña direita Esmeralda nia kompetisaun ne’e, informa, antes nia partisipa ona kompetisaun iha Dili no Atambua sempre okupa primeiru lugár, maibé tinan ne’e foin mak lakon maibé nafatin hetan juara dua.

“Ha’u nia oan triste, tanba nia hetan juara satu dalarua ona, iha Dili no mós Atambua, ohin mak nia lakon, maibé la lakon liu, nafatin okupa segundu lugár iha eventu KAJATI, no ha’u hanesan aman, ha’u sente kontente tanba ohin ne’e konsege hatudu duni nia tátika sira-ne’ebé treina ona, maibé komu nia lawan ne’e aas liu nia, entaun labele ita ain badak,” nia informa.

Notísia relevante: Manán atleta na’in-haat, João Bosco okupa primeiru lugár iha eventu KAJATI

Jornalista: Abílio Elo Nini
Editór: Evaristo Soares Martins

iklan
iklan

Leave a Reply

iklan
error: Content is protected !!