DILI, 14 dezembru 2022 (TATOLI)—Sekretáriu Estadu Kooperativa (SEKoop), Elizário Ferreira, hateten SECoop distribui cesta bázika ba populasaun sira iha munisípiu ualu ho nia progresu atinje ona ba 40%.
“Ita fahe ona cesta bázika ba munisípiu ualu atinje ona 40% ho ema 320.000,” Elizário Ferreira hateten ba jornalista sira, hafoin halo abertura ba lansamentu relatóriu estudu hosi AIFAESA no semináriu kona-ba ai-han seguru, iha salaun Delta Nova, Dili, kuarta ne’e
Kona-ba programa Xesta Bázika, SECoop responsabiliza ba munisípou ualu (8) hanesna Baucau, Viqueque, Lospalos, Manatuto, Aileu, Ainaro, Manufahi no Covalima ho nia benefisiáriu hamutuk 800.000.
Distribuisaun reál hatudu ona progresu atinje 40% hosi totál benefisiáriu sira iha munisípiu ualu ne’e.
Aleinde distribui ba munisípiu ualu, SECoop mos responsabiliza hodi fahe cesta bázika ba metade populasaun hosi Rejiaun Administrativa Espesiál Oé-Cusse Ambeno (RAEOA) ho nia agregadu família kuaze 40.000.
Governu aloka no Parlamentu Nasionál aprova Orsamentu Jerál Estadu (OJE) 2022 millaun $40.000 ba SECoop implementa programa Cesta Bázika iha territóriu nasionál.
Notísia Relevante: PN aprova millaun $40 ba SECoop implementa programa Cesta Bázika
Jornalista : Osória Marques
Editór : Cancio Ximenes
