PNTL Dili prepara efetivu 500-resin asegura selebrasaun Santo Natál-Tinan Foun

DILI, 15 dezembru 2022 (TATOLI)-Komandante Interinu Polisia Nasionál Timor-Leste (PNTL), munisipiu Dili, Superintendente Polisia João Sancho Pires , hateten prepara ona  efetivu nain-500-resin atu asegura selebrasaun Santo Natál 2022 no Tinan Foun 2023

“Komandu PNTL Dili  sei prepara efetivu 500 -resin atu asegura selebasaun natál no tinan foun”, Komandante Polisia Nasionál Timor-Leste (PNTL) Munisipiu Dili Interinu, Superintendente Polisia João Sancho Pires, hateten ba jornalista iha  kna’ar fatin Komandu PNTL, Caicoli, kinta ne’e.

Nune’e, nia husu ba sidadaun  sira atu kolabora hodi kontribui pás no hakmatek, nune’e iha festa natál no tinan foun bele lao di’ak ema hotu bele festeza ho di’ak.

“Ami sei buka fó seguransa ba fatin sira ne’ebé duranate ne’e ita konsidera hanesan zona ba risku konflitu.  Tanba ita hakarak estabilidade mak PNTL sei kanaliza nia membru sira hodi destaka iha fatin risku sira hodi fó seguransa masimu atu misa iha ambitu natálno  tinan foun bele la’o di’ak,” katak.

Jornalista: Natalino Costa  

Editór      : Florencio Miranda Ximenes