Benefisiáriu 960 iha Bemori simu ona subsídiu $200

DILI, 21 dezembru 2022 (TATOLI)–Benefisiáriu subsídiu fim do ano subsísiu $200 ba uma kain iha suku Bemori, postu administrativu Nain Feto, munisípiu Dili hamutuk uma kain 199 mak simu ona sira-nia direitu no uma kain 147 mak seidauk simu.
“Iha suku Bemori xefe família hamutuk 1.107 no hosi ne’e uma kain 199 mak simu ona subsídiu $200 no família 147 seidauk simu, tanba ema-ne’ebé mak iha rendimentu $500 ba leten no tanba iha família balun ne’ebé mak servisu iha rai-li’ur,” Xefe suku Bemori, Cristalina peereeira Soaares de Oliveira, hateten ba Agênccia Tatoli, liuhosi telefónika, kuarta ne’e.
Nia informa, aldeia Babaliurai Leste iha benefisiáriu 199 ho nia osan $35.400 no hosi totál ne’e benefisiáriu 22 mak la simu, aldeia Babaliurai Oeste iha benefisiáriu 132 maibé 104 mak simu ho nia osan $20.800 no la simu iha 28, aldeia Bemori Sentrál iha benefiáriu 238 no 212 mak simu ho nia osan $42.400 no la simu 26.
Aldeia Ailele-Hun iha benfisiáriu 121 no 102 mak simu ona ho nia osan $20.800 maibé 17 mak la simu, Has Laran benefisiáriu 146 no 140 mak simu ho nia osan $28.000 no benefisiáriu neen (6) mak la simu, Aldeia Sentru iha benefisiáriu 168 no 144 mak simu ona ho nia osan $28.800 no 24 mak seidauk simu no aldeia My Friend benefisiáriu 103 no simu ona 79 ho nia osan $15.800 no 24 mak la simu.
Antes ne’e Governu liuhosi reuniaun Konsellu Ministru, halo ona alterasaun dahuluk ba dekretu – lei númeru 37/2022, 25 maiu, kona-ba subsídiu fim do ano $200 ba uma kain ho valór $200 hodi klarifika ba aplikasaun, ne’ebé antes ne’e uma kain hotu iha territóriu tomak sei sai benefisiáriu maibé ho alterasaun dekretu-lei ne’e, mak atribuisaun ba de’it uma kain ne’ebé nia membru nia saláriu mensál la liu $500.
Tuir dadus haktuir katak, uma kain iha territóriu nasionál ho totál hamutuk 39.000 ne’ebé submeter ba MSSI ho totál pagamentu millaun $7,8 .
Joralista : Osória Marques
Editór : Cancio Ximenes

