iklan

DILI, POLÍTIKA

Intensaun alterasaun pakote lei tolu hosi PN asegura organika serbisu

Intensaun alterasaun pakote lei tolu hosi PN asegura organika serbisu

Plenária Parlamentu Nasionál. Imajen TATOLI/António Gonçalves.

DILI, 22 dezembru 2022 (TATOLI)—Prezidente komisaun eventuál, Joaquim da Silva, hateten intensaun alterasaun pakote lei tolu hosi Parlamentu Nasionál (PN) atu bele asegura organika serbisu sira.

PN liu hosi reuniaun plenária loron hirak liu ba aprova ona pakote lei tolu ne’e mak hanesan projeitu lei númeru 44(4a)-primeiru alterasaun Estatutu Funsionáriu Parlamentár ho votu a-favór 57, kontra no abstensaun 0.

Projeitu-lei númeru 45(4a)-primeiru alterasaun lei Organizasaun no Funsionamentu Administrasaun Parlamentár ho votu a-favór 58, kontra no abstensaun 0, no projeitu-lei númeru 46(4a)-segundu alterasaun Estatutu Deputadu ho votu a-favór 58, kontra no abstensaun 0.

“Pakote lei tolu ne’e halo ona redasaun finál hodi submete ba meza PN no ohin ka aban haruka ba Prezidente Repúblika hodi halo promulgasaun. Purtantu intensaun prinsipál revogasaun ne’e atu asegura orgánika sira-nia serbisu, asegura direitu no devér deputadu no funsionáriu parlamentu sira-nian liliu subliña iha dever,” Prezidente komisaun eventuál ne’e hateten ba Agéncia TATOLI, kinta ne’e.

Konteúdu revogasaun Estatutu Deputadu haree kona-ba direitu no regalia sira-ne’ebé la update ona revoga tiha tuir ita-nia realidade, no tuir mós lejislasaun balun obriga atu emenda no ne’e mós hanesan direitu no regalia ne’ebé violentu karik hasai tiha bele hadi’a.

Nune’e mós, Estatutu Funsionáriu Parlamentár  direitu balun ne’ebé seidauk fó karik kona-ba promosaun, esperiénsia, estatutu funsionáriu sira-nian.

Kona-ba Organizasaun no Funsionamentu Administrasaun Parlamentár ne’e haree buat rua, ida kona-ba organika PN hosi Prezidente mai to’o komisaun, funsionáriu, bankada parlamentár sira nia obrigasaun ho funsaun tanba durante ne’e obrigasaun balun kumpre tiha no balun la la’o di’ak, nune’e tenke re-define no organizasaun PN nian relasiona ho Governu, Prezidente Repúblika, Tribunál.

Projeitu lei ne’e iha artigu 20-resin, kada lei mak halo alterasaun ne’ebé ho intensaun prinsipál revogasaun ne’e atu asegura orgánika sira-nia serbisu, asegura direitu no dever deputadu no funsionáriu parlamentu sira-nian liu-liu subliña iha dever.

Jornalista : Nelson de Sousa

Editor        : Cancio Ximenes  

iklan
iklan

Leave a Reply

iklan
error: Content is protected !!