DILI, 22 dezembru 2022 (TATOLI)—Komandante Polísia Nasionál Timor-Leste (PNTL) Unidade Tránzitu Covalima, Sarjentu Xefe, Patrício de Jesus, informa hosi jáneiru to’o novembru 2022 ne’e Polísia Tránzitu Covalima rejista asidente tráfegu hamutuk 57.
“Hahú fulan janeiru to’o novembru tinan 2022, PNTL covalima liuhosi Unidade Tránzitu, ita rejista asidente tráfegu 57,” Sarjentu Xefe, Patrício de Jesus, relata dadus ne’e ba jornalista sira iha komandu PNTL Covalima, Santa Rosa, kinta ne’e.
PNTL rejista kazu asidente tráfegu 57 ho tipu asidente mak hanesan, asidente tráfegu motor ho motor xoke malu hamutuk 34, mate na’in-tolu (3), kareta xoke ne’e ema na’in-ne’en (6).
Karreta ho motor xoke malu ida (1), karreta xoke motór hitu (7), motor soke karreta rua (2), soke animál ida (1) tanba laiha atensaun bainhira animál ultra pasa Estrada, no rezista mós insidente tolu (3).
Asidente tráfegu ne’e barak liu akontese iha postu administrativu sira hanesan postu administrativu Suai, Zumalai no Tilomar.
“Ita hatene movimentu hosi fronteira mai munisípiu, iha postu Zumalai movimentu hosi Díli, Ainaro no Bononaro mai hotu munisípiu Covalima,” nia hateten.
Númeru asindente tráfegu iha tinan 2022 ne’e aas hamutuk 57 kompara ho tinan 2021 ladun barak, tanba iha tempu pandemia COVID-19 transporte públiku ladún halo movimentu ba-mai.
Jornalista : Celestina Teles
Editór : Cancio Ximenes
