EKONOMIA, COVALIMA

Uma kain 1.179 iha Covalima seidauk simu subsídiu $200

Uma kain 1.179 iha Covalima seidauk simu subsídiu $200

Koordenadór Pagamentu subsidiu fim do ano $200 ba uma kain iha Covalima, Agapito Asis. Imajen Tatoli/Celestina Teles.

COVALIMA, 09 janeiru 2023 (TATOLI)–Koordenadór Pagamentu Subsídiu fim do ano ba Uma Kain, Agapito Asis, pagamentu subsídiu $200 iha Covalima finaliza ona maibé sei iha uma kain 1,179 mak seidauk simu subsídiu fim do ano $200 ba uma kain.

“Pagamentu subsídiu fim do ano $200 ba uma kain iha Covalima finaliza ona maibé durante halo pagamentu uma kain 1,179 mak seidauk simu subsídiu fim do ano $200 ba uma kain,” Agapito Asis hateten ba jornalista sira, iha-nia kna’ar fatin Suai Loro, segunda ne’e.

Razaun seidauk simu subsídiu $200 ne’e tanba benefisáriu sira-ne’e iha fixa família doubru, benefisiáriu ho salaríu mensál $500 no liu ida ne’e, iha ema balun simu no balu entrega fali, labarik ho idade menór labele asesu subsídiu tanba inan-aman mate no balun inan aman divorsiu.

Durante implementasaun pagamentu subsídiu fim do ano subsídiu $200 iha munisípiu Covalima prosesu hotu la’o tuir kalendáriu ne’ebé servisu hamutuk ho Banku Nasionál Komérsiu Timor-Leste (BNCTL) hamutuk ho Ministériu Administrasaun Estatal (MAE) no Ministériu solidariedade sosiál no Inkluzaun (MSSI).

Dadus benefisiáriu iha Covalima hamutuk 20,243 ne’ebé Governu aloka orsamentu $4,048,600.00 uma kain ne’ebé simu ona subsídiu $200 hamutuk 19064 ho orsamentu $3,812,800.00 no uma kain ne’ebé seidauk simu hamutuk 1,179, nune’e iha saldo $235,800.00.

Uma kain 20,243 mai hosi postu administrativu s Fatululik iha uma kain 773 hosi númeru ne’e selu ona ba uma kain 730 ho orsamentu $ 146,000.00 no uma kain ne’ebé seidauk selu iha na’in-43, ho nune’e iha saldo $8,600.00.

Iha postu administrativu Fatumea ne’e Governu aloka orsamentu $208,200.00 ho totál uma kain 1041 no hosi númeru ne’e uma-kain 980 mak simu ona ho orsamentu $196,000.00 no uma kain ne’ebé seidauk simu ne’e hamutuk 61, nune’e sei iha saldo $12,200.00.

Iha postu administrativu Fohorem, Governu aloka osan $324,200.00 ho totál uma kain 1, 621 no hosi númeru ne’e uma kain 1,491 ne’ebé mak simu ona ho osan $298,200.00 no uma kain 130 mak seidauk simu, nune’e sei iha saldo $26,000.00.

Iha postu administrativu Maucatar, Governu aloka orsamentu hamutuk $645 .400.00 ho totál uma kain 3,227 no hosi númeru uma kain 3025 ne’e simu ona ne’e ho montante osan $605,000.00 no uma kain ne’ebé mak seidauk simu iha 202, nune’e sei iha saldo $40,400.00.

Iha postu administrativu Suai, Governu aloka orsamentu $1,314,400.00 ho totál uma kain 6,572 no hosi númeru ne’e uma kain ne’ebé simu ona hamutuk 6,155 ho nia orsamentu $1,231,000.00 no uma kain ne’ebé seidauk simu hamutuk 417, nune’e sei iha saldo $83,400.00.

Iha postu administrativu Tilomar, Governu aloka orsamentu $513,800.00 ho totál uma kain 2,569 no hosi númeru ne’e ida-ne’ebé simu ona ba uma kain 2,452 ho osan $ 490,400.00 no uma kain ne’ebé seidauk simu ne’e hamutuk 117, nune’e sei iha saldo $23,400.00.

Iha postu administrativu Zumalai, Governu aloka orsamentu $888,000.00 no hosi númeru ne’e ida-ne’ebé simu ona ne’e uma kain 4,231 ho orsamentu $846,200.00 no uma kain ne’ebé seidauk simu ne’e hamutuk 209, nune’e sei iha saldo $41,800.00

Jornalista : Celestina Teles

Editór       : Cancio Ximenes

 

iklan
iklan

Leave a Reply

iklan
error: Content is protected !!