DILI, 09 janeiru 2023 (TATOLI) –Prezidente CNRT, Kay Rala Xanana Gusmão, dezafia kuadru no militante partidu Kongresu Nasionál Rekonstrusaun Timorense (CNRT, sigla portugés) atu konsolida partidu, hodi manan ho maioria absoluta iha eleisaun tinan ne’e.
Tanba tuir Xanana, partidu CNRT, hanesan lalatak husi CNRT “Conselho Nacional de Rezisténsia Timorense” hodi liberta nasaun no komprometidu atu liberta povu.
“Ita hotu hakarak katak CNRT kaer ukun, ukun ho di’ak, ukun ho povu, ukun ho dezenvolvimentu hodi hare rai ida-ne’e, ita tenke servisu maka’as,” Xanana Gusmão hateten liuhosi nota imprensa ne´ebé Tatoli asesu iha ámbitu konsolidasaun partidu CNRT ne’ebé realiza fim-de-semana iha Vera Cruz, Dili.
Tuir Xanana, hakarak CNRT fila ba ukun, hodi bele servi povu no hadi’a dezenvolvimentu no ekonomia nasaun.
Notísia relevante:CNRT preparadu hasoru eleisaun parlamentár 2023
Jornalista: Natalino Costa
Editór : Zezito da Silva
