Governu sei monta bareira iha ponte Lomea
COVALIMA, 13 janeiru 2023 (TATOLI)–Governu liuhosi Ministériu Obra Públika (MOP), sei monta bareira iha ponte Lomea tanba tempu udan mota sempre sobu ponte hodi difikulta movimentu transporte no komunidade ba-mai.
“Ita sei monta bareira no agora kompañia sei halo produsaun ho todan toneladaualu (8) to’o sia (9). Ita-sei tau barak iha ne’eba, hodi reforsa bainhira tempu udan korente mota boot. Nune’e, ita dezvia mota atu labele sobu,” Ministru Obra Públika (MOP), Abel da Silva Pires, hateten ba Agência Tatoli iha suku Holpilat, sesta ne’e.
Governante ne’e dehan, tinan ne’e monta bareira tanba agora kompañia halo hela produsaun no halo dezeñu atu monta iha parte ne’ebé no presijz mós konkursu nune’e kompaña bele monta.
“Ponte Lomea la presiza proposta mós ita sei haree tanba tempu udan ponte sempre kotu no Institutu Jestaun Ekipamentu (IGE,sigla portugés) sempre halo normalizasaun la konsege rezolve tanba fatuk de’it mákina labele konsege rezolve lori rai-henek taka udan fasil atu lori,” nia hateten.
Antes ne’e, autoridade no komunidade sira preokupa tanba ponte Lomea ne’ebé lokaliza suku Tashilin, postu administrativu Zumalai sempre amesadu atu kotu.
Ho nune’e, diretór Servisu Munisipál Obra Públika (MOP), Albeto Cardoso, mós hato’o proposta ba Institutu Jestaun Ekipamentu (IGE, sigla portugés) halo normalizasaun maibé la konsege resolve tanba bainhira tempu udan ponte refere kontinua ameasadu atu kotu.
Jornalista : Celestina Teles
Editór : Cancio Ximenes
