iklan

HEADLINE, SAÚDE

MTKI halo abertura ba atividade Fashion Show ba joven 40

MTKI halo abertura ba atividade Fashion Show ba joven 40

MTKI halo abertura ba atividade Fashion Show ba joven 40. imajen : Felicidade Ximenes

DILI,14 janeiru 2023 (TATOLI) – Ministériu Turizmu Komérsiu no Indústria (MTKI) halo abertura ba atividade fashion show ba joven feto no mane hamutuk 40 hodi hatudu sira nia talentu liuhusi Tais Timor.

Diretór Jerál MTKI, Jelino Soares, dehan iha feira nasionál ida ne’e populasaun sira faan produtu lokál no arte zenatu.

“Iha mós eventu seluk hanesan kompetisaun fashion show ba ita nia joven feto no mane tanba ohin loron halo abertura no aban tama finál, entaun ida ne’e fó oportunidade ba ita nia joven sira atu hatudu sira nia talentu liuhosi tais tradisionál ne’ebé mak ita iha”, Diretór Jerál Turismu, Jelino Soares, informa ba jornalista sira iha Portu Dili, ohin.

Nia esplika iha kompetisaun fashion show, joven sira hamutuk 40, husi ne’e mane 20 no feto 20.

Aban mak tama final, joven sira ne’ebé aban sei kontinua halo fashion show hamutuk na’in 10, feto lima no mane lima, depois ida ne’e mak juri sira sei hareee ida ne’ebé mak sai manan nain ba atividade ida ne’e.

“Tanba ne’e husu ba joven sira tenke partispa iha eventu hanesan ne’e atu nune’e ita bele prepara no motiva sira atu bele partisipa iha eventu internasionál, entaun agora kedas ita prepara sira nia mentalidade iha eventu sira hanesan ne’e”, refere nia.

Jelino Soares esplika atividade fashion show, ba oin Governu kontinua nafatin promove liuhosi tais tanba ida ne’e identidade Timor-Leste nian.

”Aban tama finál, kategoria ba feto no mane bainhira manan na’in ba atividade fashion show, ne’e sei hetan osan no mós telemóvel”, konklui nia.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!