EKONOMIA, COVALIMA, HEADLINE, MUNISÍPIU

EDTL sei halo levantamentu dadus komunidade ne’ebé seidauk asesu liña elétrika

EDTL sei halo levantamentu dadus komunidade ne’ebé seidauk asesu liña elétrika

Tékniku EDTL, E.P halo instalasaun liña eletrisidade iha área Colmera, Dili, segunda (25/10). Imajen Tatoli/António Gonçalves

COVALIMA, 15   janeiru 2023 (TATOLI) – Eletrisidade Timor-Leste, Empreza Públika (EDTL.E,P) sei halo levantamentu dadus komunidade sira-ne’ebé seidauk asesu liña elétrika iha munisípiu Covalima.

“Iha Covalima kauze kobre hotu ona nível suku ho númeru rásiu iha nasionál kobre 92 , hanesan  Covalima ikus liu ita promove konkursu públiku, iha postu Fatumea. Maibé nível ba aldeia, ita sei orienta ita-nia koordenadór munisípiu sira atu  foti dadus iha aldeia sira-ne’ebé seidauk asesu eletrisidade,” Vise Prezidente EDTL.EP, Humberto Pereira hato’o ba Agência TATOLI, iha aldeia Lela, suku Holpilat.

EDTL.EP sei orienta ba koordenadór sira atu halo levantamentu dadus iha aldeia sira-ne’ebé seidauk asesu eletrisidade liuhusi Programa Eletrifikasaun Komunitária (PEK) ne’ebé la presiza liuhusi konkorsu públiku.

Ho nune’e EDTL.EP hamosu programa sira hanesan  programa nasionál ne’ebé liuhusi prosesu konkursu públiku no programa eletrifikasaun komunitária.

Oras ne’e halo hela akizisaun ba materiál sira-ne’e kompañia manan-na’in hatama ona sasan balun, no sei hein tán kompañia fornesedór hosi Indonézia mai bainhira kompleta, hein proposta sira mai hosi munisípiu.

Tuir dadus iha munisípiu Covalima ahi kuaze lakan hotu ona, falta de’it suku Nanu, postu administrativu Fatumea ahi seidauk lakan maibé fiar iha fulan-juñu bele dada ona ahi ba komunidade.

Munisípiu Covalima iha postu administrativu neen mak hanesan Suai, Maucatar, Fatululik Fatumea, Fohorem, Tilomar no Zumalai  ho suku 30 no aldeia 148.

Jornalista: Celestina Teles

Editór: Evaristo Soares Martins

 

iklan
iklan

Leave a Reply

iklan
error: Content is protected !!