VIQUEQUE, 17 janeiru 2022 (TATOLI)— Tuir dadus estatístika, hahú hosi janeiru to’o dezembru 2022, Polísia Nasionál Timor Leste (PNTL) liuhosi Unidade Ema ho Vulneravel (PNTL-VPU) munisípiu Viqueque, rejista kazu violénsia doméstika no seksuál hamuutuk 103.
“Hahú husi janeiru to’o dezembru 2022, ami konsege rejista kazu hamutuk 103, entre kazu sira-ne’e konsege aprezenta kazu 87 ba ministériu públiku hodi hein desizaun ikus husi tribunál”, Komadante (PNTL) munisípiu Viqueque, Superintendente Polísia, Sebestião Alves Quintão, hateten ba jornalista sira, iha ninia kna’ar fatin, tersa ne’e.
Alende ne’e, VPU mós rejista kazu abuzu seksuál ba menoridade iha lima. Nune’e Tribunál deside aplika prizaun ba arguidu na’in-lima ne’e.
Tipu kazu 103 ne’e maioria kazu violensia doméstika 87, abuzu seksuál ba menór na’in-lima, Maustratu ba menér na’in-rua, abandona laiha, assaltu ka koasaun sesuál na’in-ida, fraude seksuál na’in-ida no violasaun seksuál na’in-rua
“Kazu hirak ne’e mosu tanba ami haree ninia impaktu mai hosi Violénsia Domestika, kondisaun ekonómia, Alcohol no kulturál. Atu redús númeru kazu ne’e fila-fali ba ema ida-ida ninia konsiensia rasik”, katak.
Jornalista: Vitorino Lopes da Costa
Editór : Florencio Miranda Ximenes
