COVALIMA, 17 janeiru 2023 (TATOLI)–Xefe suku Suai Loro, Marinho Mendonça, hateten uma kain 1,168 iha suku Suai Loro, postu administrativu Suai, munisípiu Covalima simu ona Cesta Bázika.
“Ha’u-nia komunidade iha suku Suai Loro hosi aldeia lima simu ona Cesta Bázika hosi kompañia fornesedór Pararel Unipesoál Lda,” Marinho Mendonça hateten ba Agência Tatoli, iha resintu sede suku Suai Loro, tersa ne’e.
Molok atu distribui Cesta Bázika, kompañia fornesedor fó sai item sira-ne’ebé atu distribui ba komunidade mak hanesan manu-tolun, naan karau, foos, masin-midar, masin, mina tein, kafé no seluk tan.
Durante halo distribuisaun, komunidade la halo kritíka ba komapañia tanba programa distribuisaun Cesta Bazika iha suku suku Suai Loro la’o ho di’ak tebes.
Reprezentante komunidade Suai Loro, Novita Marlina Soares Perreira, sente kontente ba programa Ggovernu hodi distribui Cesta Bázika ba komunidade iha suku Suai Loro.
“Ami kontente bainhira Governu liuhosi kompañiafornesedor distribui Cesta Bázika ba ami mak hanesan foos, manu-tolun, naan karau no seluk tan,” nia dehan.
Benefisiáriu seluk, António Resvas, sente kontente bainhira Governu iha polítika hodi implementa programa Cesta Bázika hodi distribui ba komunidade.
“Ami kontente bainhira Governu distribui Cesta Bázika ba ami hodi simu Cesta Bázika iha Suai Loro,” nia dehan.
Suku Suai Loro ho totál uma kain 1,168 ho nia aldeia sira hanesan Loro iha uma kain 411 ne’ebé kompostu hosi Mane Ikun 247, Lo’o 212, Sukabi Laran 158 no Akar Laran 140 ho totál populasaun iha suku Suai Loro hamutuk 4,654 no hosi númeru ne’e feto na’in-798 no mane na’in-787.
Jornalista : Celestina Teles
Editór : Cancio Ximenes
