COVALIMA, 18 janeiru 2023 (TATOLI)–Diretór STAE Covalima, Francisco Gusmão, relata progresu konstrusaun edifísiu Sekretáriu Administrasaun Eleitorál (STAE) Covalima atinje ona 15%.
“Ha’u simu relatóriu hosi enjineiru relata mai ha’u katak progresu konstrusaun edifísiu STAE iha munisípiu Covalima atinje ona 15%,” Francisco Gusmão hateten ba Agência Tatoli, iha resintu konstrusaun STAE Covalima, Kampung Baru, kuarta ne’e.
Razaun progresu konstrusaun edifísiu STAE atinje ona 15%, tanba progresu konstrusaun edifísiu STAE prosesu foin mak fui aliserse.
Edifísiu STAE Covalima konstrui hosi Kompañia Riri Unipesoál Lda ho durasaun tempu durante fulan neen (6), no Kompañia Riri Unipesoál Lda hahú konstrui iha loron 24 fulan-novembru tinan 2021.
Enkuantu, iha loron 06 fulan-dezembru tinan 2021, Ministru Administrasaun Estatál (MAE) Miguel Perreira Carvalho hatuur fatuk dahuluk atu halo konstrusaun edifísiu CNE no STAE iha Covalima.
Jornalista : Celestina Teles
Editór : Cancio Ximenes
