iklan

EDUKASAUN, MUNISÍPIU, VIQUEQUE

2023, munisípiu Viqueque hetan projetu komunitária 11 hosi MEJD

2023, munisípiu Viqueque hetan projetu komunitária 11 hosi MEJD

Prosesu kontrusaun pré-eskolár

VIQUEQUE, 19 janeiru 2023 (TATOLI)— Diretór Serbisu Edukasaun Munisípiu Viqueque, Domingos Brandão, informa iha tinan 2023 munisípiu Viqueque sei hetan projetu komunitáriu  ba reabilitasaun no konstrusaun infraestutura eskola hamutuk 11 hosi Ministériu Edukasaun Juventude no Desportu (MEJD).

“Ami simu tan ona projetu komunitária hamutuk 11, agora grupu komunitária ba eskola komunitária sira hahú submente lista. Nune’e semana ida hanesan ne’e ami tenke aprezenta ona fali ba ministériu hodi aseleira konstrusaun ba eskola komunitáriu hirak ne’e iha tinan ne’e 2023”, hateten Domingos Brandão, ba jornalista sira iha ninia kna’ar fatin, Beloi, kinta ne’e.

Pagamementu ba prosesu implementasaun liuhosi faze haat hanesan progresu konstrusaun to’o 25% sei halo pagamentu 25%, hafoin atinje tan ba 50% to’o 100%.

“Prosesu implementasaun ba projetu komunitáriu reabilitasaun no konstrusaun infraestutura mai hosi grupu komunitáriu ka hosi komunidade sira”, katak.

Projetu komunitáriu ba reabilitasaun no konstrusaun infraestutura eskola postu Viqueque sei hetan rua, Lacluta rua, Uatulari  rua, Ossu rua no Uatucarabau rua.

Jornalista : Vitorino Lopes da Costa

Editór       : Florencio Miranda Ximenes

iklan
iklan

Leave a Reply

iklan
error: Content is protected !!