iklan

INTERNASIONÁL, DILI, HEADLINE, POLÍTIKA

Kosovo-Timor-Leste hametin liután relasaun diplomátika

Kosovo-Timor-Leste hametin liután relasaun diplomátika

Prezidente Repúblika, José Ramos Horta, partisipa iha selebrasaun loron mundiál deklarasaun universál direitu umanu ba dala-75 iha Davos, Suísa. Imajen/Midia PR.

DILI, 19 janeiru 2023 (TATOLI)—Primeiru Ministru (PM) Repúblika Kosovo, Albin Kurti, hasoru malu ho Prezidente Repúblika, José Ramos Horta, no ho Ministra Negósiu Estranjeiru no Kooperasaun (MNEK) Adaljiza Magno, hodi agradese ba relasaun diplomátika Timor-Leste nian ho Kosovo.

“Kosovo no Timor-Leste presiza servisu besik liu tan hodi troka esperiénsia kona-ba konstrusaun nasaun  no oinsá bele hetan rekoñesimentu internasionál, tanba nasaun rua ne’e nu’udar nasaun ida ne’ebé joven liu iha mundu, nune’e fahe valór sira liberdade no demokrasia nian,” afirma ofisiál Gabinete Primeiru-Ministru Kosovo nian, iha ámbitu forum ekonómiku mundiál nian, iha Davos liuhosi deklarasaun ida-ne ‘ebé Agência Tatoli asesu, kinta ne’e.

Iha hasoru malu ne’e, Albin Curti no Ramos Horta mós ko’alia liu kona-ba relasaun entre Estadu rua ne’e, nune’e mós ho istória atuál kona-ba dominasaun rai-li’ur iha nasaun rua ne’ e.

Xefe Governu Kosovo agradese ba Ramos Horta ba apoiu ne’ebé fó ona ba nia nasaun, nune’ e mós atu asina akordu kona-ba estabelesimentu relasaun diplomátika ne ‘ebé asina ona iha loron 09 fulan-marsu tinan 2022.

“Ho asinatura ida ne’ e, entre nasaun rua ne ‘e, bele loke dalan ba kooperasaun nian,” nota ne’e hateten.

Timor-Leste rekoñesidu Kosovo hanesan Estadu independente no soberanu iha 20 setembru 2012.

Nasaun rua ne’e uluk iha administrasaun Nasaun Unida nia okos, Timor-Leste entre 1999 no 2002 no Kosovo iha 1999.

Kosovo unilateralmente deklara nia independénsia iha 2008 no Timor Leste iha 1975.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!