iklan

DILI, HEADLINE, POLÍTIKA

PR Horta-Tony Blair diskute investimentu internasionál

PR Horta-Tony Blair diskute investimentu internasionál

Prezidente Repúblika (PR), José Ramos Horta, hala’o enkontru ho eis Primeiru-Ministru (PM) Reinu Unidu, Tony Blair, iha kinta (19/01/2023) ne’e. Imajen/Mídia PR.

DILI, 20 janeiru 2022 (TATOLI)—Prezidente Repúblika (PR), José Ramos Horta, kinta (19/01/2023) ne’e, hala’o enkontru ho eis Primeiru-Ministru (PM) Reinu Unidu, Tony Blair ne’ebé partisipa mós iha forúm ekonómiku mundiál iha Suísa.

Sorumutu Xefe Estadu ho eis Xefe Governu hosi Reinu Unidu ne’e ko’alia kona-ba projetu kooperasaun no mós investimentu diretu internasionál.

“Tony Blair ne’ebé agora daudaun lidera “Global Citizen”, organizasaun internasionál ne’ebé fó konsulta internasionál ba nasaun barak. Ne’ebé hakarak dezenvolve no atrai investimentu internasionál, sei haree oinsá mak bele tulun Timor-Leste iha área oioin hanesan ekonomia, agrikultura, turizmu, dezenvolvimentu umanu, setór finanseiru no seluk tan,” PR Horta hateten liuhosi komunikadu imprensa ne’ebé Agência Tatoli asesu, sesta ne’e.

Antes ne’e, Tony Blair, vizita Timor-Leste iha tinan 2013, iha mandatu Governu Konstitusionál dahaa, ne’ebé lidera hosi Kay Rala Xanana Gusmão hanesan Primeiru-Ministru.

Programa kooperasaun ne’ebé momentu ne’ebá projeta mak apoiu hosi Reinu Unidu ba sistema administrasaun públika ne’ebé efisiente, transparante no moderna.

Tony Blair mós apoia adezaun Timor-Leste ba ASEAN, nune’e bele loke dalan ba kooperasaun ho nasaun seluk atu aselera prosesu dezenvolvimentu nasionál.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!