DILI, 21 janeiru 2023 (TATOLI)—Koordenadór Joven iha veteranária (JOVET) iha Timor-Leste, Abrão Perreira, hateten Joven iha Veterenária (JOVET) hala’o formasaun hodi empodera no promove feto iha área veterenaria nian.
“Atividade loron ohin nian hanesan formasaun ida-ne’ebé hala’o hosi Timor-Leste no Austrália liuhusi joven veternaria ne’ebé apoiu durante ne’e hosi Governu Austrália hodi hala’o formasaun ida-ne’e foka liu atu empodera feto no fó kapsitasaun ba feto sira iha área veterenaria nian,” Koordenadór Joven iha Veteranária (JOVET) iha Timor-Leste, Abrão Perreira, hateten ba jornalista sira iha fundasaun oriente, sábadu ne’e.
Área veterenária ida-ne ‘e iha fatin barak ona maibé domina hosi mane, entaun ho formasaun ida-ne’e mai ho hanoin ida katak programa sira hanesan ne’e oinsá atu empodera no promove feto nia importánsia iha área veterenária nian.
“Formasaun ohin loron ne’e sai komponente ida de’it, entaun hosi programa kapasitasaun nian depois formasaun iha fulan oin ita sei ba kampu hodi halo servisu komunitaria nian iha Lospalos,” nia hateten.
JOVET nia esiténsia iha Timor-Leste kuaze tinan tolu ho nia misaun ne’ebé hosi joven sira veterenária ho ninia misaun atu kria organizasaun ida-ne’e hanesan espasu ida promove joven feto sira.
Ida-ne’e, nia dehan, liu-liu atu iha programa formasaun sira ne’ebé mak bele kapasita sira bele dezenvolve matenek ne’ebé mak la’ós partikularmente iha área veteránia de’it maibé ba kapasidade sira seluk ne’ebé mak joven sira iha.
“Hanesan ohin nian tematika ne’ebé mak presiza mak oinsá sira atu aproveita atu buka oportunidade servisu iha Timo. Depois kapasidade saida de’it mak sira presiza atu prepara an didi’ak liután, nune’e bele mellora sira-nia vonatde atu hetan oportunidade servisu,” nia dehan.
Estudante Departamentu Saúde Animál UNTL, Novia Benga Laga Vian, informa formasaun ne’e di’ak tanba bele ajuda joven sira atu umenta sira-nia kapasidade no abilidade iha área vetenária nian.
“Dala barak ita hatene área veterenária no área agrikultura, ema sempre refere liu ba ferik katuas sira. Tanba ne’e, hosi programa JOVET ida-ne’e bele muda sosiedade nia hanoin, entaun joven mak sai papel importante tebes iha nasaun. Tanba ne’e, atividade ida-ne’e importante hodi feto maluk sira partisipasaun másimu ba área refere. Tanba, programa JOVET ne’e la’ós desenvolve agrikultura liu-liu iha veterinária maibé promove mos igualidade jéneru iha ita-nia rain,” nia esplika.
Jornalista : Felicidade Ximenes
Editór : Cancio Ximenes
