DILI, 22 janeiru 2023 (TATOLI) – Prezidente Repúblika, José Ramos Horta, Orgullu hetan konvite espesiál hosi Suiça hodi lori Timor-Leste ba partisipa iha Forúm Ekonómia Mundiál, tanba bele promove Tmor-Leste iha mundu.
“Durante estadia iha Suiça ida ne´e parte ita nia diplomasia sempre marka prezensa, tanba Timor-Leste úniku pais ki’ik no ki’ak maibé hetan konvite bele partisipa iha Forúm Ekonómiku Mundiál”, Prezidente Repúblika (PR), José Ramos, informa hafoin fila hosi Suíça, iha Aeroportu Internasionál, Nicolau Lobato.
“Timor-Leste hetan duni vijibilidade iha Suica, la’ós de’it iha fatin ne’ebé formál, importante liu mak halo enkontru bilaterál lubuk ida ho Prezidente, Primeiru-Ministru, Ministru Negósiu Estranjeiru, líder sira, setór privadu mundiál ne’ebé bo’ot iha Suica”, nia akresenta.
Horta fundamenta katak durante nia vizita Estadu iha Suiça halo enkontru ho Prezidente Korea Súl hodi ko’alia kona-ba expo mundiál ne’ebé Timor-Leste sei partisipa inklui hasoru malu ho nasaun balun.
“Buat hotuhotu la’o di’ak, ha’u agradese ba apoiu maka’ss tebes mai husi Ministériu Negósiu Estranjeiru no Kooperasaun (MNEK) ho ita-nia misaun iha Zenebra sira servisu di’ak”, Xefe Estadu ne’e hakotu.
Jornarlista: Natalino Costa
Editór : Zezito Silva
