DILI, 22 janeiru 2023 (TATOLI) – Kazu Eis-Ministru Interiór no atuál Asesór Prezidénsia Repúblika, Longuinhos Monteiro, ne’ebé deskonfia subar arma iha nia rezidènsia, Prezidente Repúblika José Ramos Horta, hili dalan nonok ‘’no coment’’ ba kazu ne’e.
“Ha’u foin maka fila hosi Forúm Ekonómiku Mundiál, ha’u sei la komenta ba ida ne’e”, Prezidente Repúblika, José Ramos, informa hafoin fila hosi Suíça, iha Aeroportu Internasionál Nicolau Lobato, ohin.
Nia rekorda katak iha segunda (16/1) dader, ekipa konjunta kompostu hosi Polísia Sientifika Investigasaun Kriminál (PCIC, sigla portugés), Servisu Informasaun Polísia (SIP) Servisu Informasaun FALINTIL-Forsa Defeza Timor-Leste no Servisu Nasionál Intelejénsia (SNI) halo kedan apreensaun buska domisiliáriu ba Eis-Komandante Jerál Polísia Nasionál Timor-Leste (PNTL), Komisáriu, Longuinhos Monteiro, iha nia rezidénsia iha área Loes, Postu Administrativu Maubara, Munisipiu Liquica tanba ekipa konjunta detata nia asegura hela sasan hanesan kilat bo’ot tolu, pistola ida, rama automátika ho monisaun ba kilat J3, M16 no pistola glock19.
Jornarlista: Natalino Costa
Editór : Zezito Silva
