iklan

HEADLINE, SAÚDE

Aimoruk tipu lima ne’ebé teste iha Australia seidauk iha rezultadu

Aimoruk tipu lima ne’ebé teste iha Australia seidauk iha rezultadu

Diretór Nasionál Farmasia no Medikamentu- MS, Delfim da Costa Xavier Ferreira. Imajen Tatoli/Francisco Sony

DILI, 24 janeiru 2023 (TATOLI) – Diretór Nasionál Farmasia no Medikamentu iha Ministériu Saúde, Delfim Ferreira, dehan aimoruk ho tipu lima ne’ebé Ministériu Saúde (MS) haruka ona ba Laboratory Therapiutics Goods Administration Australia atu teste kualidade to’o agora seidauk iha rezultadu.

“Laboratory Therapiutics Goods Administrasion Australia disponível atu halo teste ba kualidade aimoruk ho tipu lima hanesan ampicillin, aspirin, bisoprolol, Glibenclamide no Oxitocyna, ita haruka ba fulan setembru maibé to’o agora rezultadu ita seidauk hetan, tanba ne’e semana oin ekipa sira husi Australia atu mai halo asesmentu ida mai MS no OMS mak hafoin ita hetan informasaun kompletu kona-ba ida ne’e”, Diretór Nasionál Farmasia no Medikamentu iha MS Delfim Ferreira, hateten ba TATOLI iha palapasu, ohin.

Nia esplika aimoruk tipu lima ne’ebé teste iha Austrália foti husi Servisu Autónomu Medikamentu Ekipamentu Saúde no klinika privadu sira.

“Item ne’ebé  mak lori ba Australia teste ne’e kompra husi SAMES, no mós foti husi klínika privadu sira, maibé ezemplu aimoruk mai mak balun la iha kualidade ita sei haruka karta ba fasilidade saúde sira, atu retira fila fali produtu ne’ebé mak ita teste”, afirma nia.

Laboratory Therapiutics Goods Administrasion Australia, la’os teste aimoruk Timor-Leste nian de’it maibé ba pasífiku tomak entaun amostra ne’e tuir sekuénsia ne’ebé mak iha hanesan nasaun Fiji, Papua Nova Zelandia mak halo teste aimoruk iha Australia ho durasaun fulan tolu, maibé tama natál no tinan foun sira feriadu semana rua labele halo teste entaun ida ne’e mak kleur, espera semana oin iha ona rezultadu.

“Karik nia rezultadu sai mak laiha kualidade nia impaktu ba komunidade mak rezsisteénsia antiobiótika no ida seluk mak ita halo karta atu hapara distribuisaun venda iha merkadu”, salienta nia.

Nune’e, tipu aimoruk hirak ne’e hanesan ampicillin, aimoruk antibiótiku, aspirin ba moras fuan, bisoporol ba moras hipertensaun,Glibenclamide ba raan midar no aimoruk oxytoci ajuda inan sira partus lalais.

Tipu aimoruk lima ne’e sai hanesan amostra ne’ebé foti husi empreza Indonézia no India ne’ebé Governu Timor Leste halo akizasaun.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!