iklan

DILI, POLÍTIKA

Empreza hosi Kwait hakarak investe iha Timor-Leste

Empreza hosi Kwait hakarak investe iha Timor-Leste

Logotipu kompañia Al-Bader. Imajen/Espesiál.

DILI, 24 janeiru 2023 (TATOLI)—Prezidente Repúblika (PR), José Ramos Horta, tersa ne’e,  simu audiénsia Presidente Al-Bader International Development Company W.L.L, hosi Kwait, Yousef Al-Bader hodi ko’alia kona-ba planu atu investe iha projetu lokál haneean ospitál no universidade.

“Ami hosi Kwait vizita nasaun Timor-Leste, nasaun ida-ne’ebé mak di’ak tebes. Ami hasoru malu ho Prezidente Repúblika ko’alia kona-ba ami-nia planu atu investe iha projetu lokál sira hanesan ospitál, universidade, aeroportu, refinaria no seluk tan iha Timor-Leste,” Prezidente  Al-Bader International Development Company, Yousef Al-Bader, hateten ba jornalista sira hafoin ramata enkontru iha Palásiu Prezidensiál Nicolau Lobato, Bairru Pite.

Dirijente hosi empreza Kwait ne’e sente priviléjiu uza tempu balun hodi hasoru Xefe Estadu Timor-Leste, José Ramos Horta.

“Ami kontente tebes atu mai iha ne’e, ami espera katak ami bele atinje buat ruma no finansia projetu balun iha nasaun ne’e,” nia hateten.

Nia espresa katak, sente impresionadu tebes ho simplisidade ema timoroan nian ne’ebé ema hotu iha ne’e amigavél loos, nune’e sente kontente loos no ho ida-ne’e espera sei vizita hikas nasaun ne’e iha futuru.

Biban ne’e empreza ne’e simu informasaun katak Timor-Leste planu atu harii refinaria petróleu  ka petrochemical plant no harii underwater pipeline no harii uma hamutuk 20.000 ka apartamentu.

“Ba oin, ami sei haree oinsá mak ami bele dezenvolve projetu hirak ne’e no espera katak ami sei susesu,” nia dehan.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!