Progresu konstrusaun edifísiu CNE atinje ona 18%
COVALIMA, 24 janeiru 2023 (TATOLI)–Komisaun Nasionál Eleisaun (CNE, sigla portugés) Diretór CNE Covalima, Hermenezildo de Sena, relata progresu konstrusaun edifísiu CNE Covalima atinje ona 18%.
“CNE no STAE hetan konstrusaun edifísiu ne’ebé finansia hosi povu Japaun liuhusi UNDP ho nune’e progresu konstrusaun edifísiu Komisaun Nasionál ba Eleisaun atinje ona 18%,” Hermenegildo de Sena informa ba Agencia Tatoli, iha Kampung Baru, tersa ne’e.
Razaun progresu konstrusaun edifísiu CNE atinje ona18% ne’e, tanba nia progresu edifísiu kompaña hahú fui ona aliserse no konstrusaun edifísiu CNE foun ne’e lokaliza iha aldeia Tabakolot, suku Debos, postu administrativu Suai.
Iha tempu eleisaun parlamentár atu utiliza edifísiu ne’e ka lae, nia dehan, ida-ne’e depende ba kompaña sira hala’o servisu tanba durasaun tempu kompañia konstrui edifísiu ho durasaun tempu fulan neen (6) ne’ebé kompaña hala’o servisu foin fulan ida.
“Ami hein hela karik kompañia aselera sira-nia servisu iha fulan-maiu ka juñu CNE muda ona ba edifísiu foun,” nia dehan.
Edifísiu CNE ne’e konstrui hosi kompaña Via Mali hodi kontrata badaen na’in-14, hala’o servisu hodi konstrui edifísiu CNE Covalima.
Edifísiu CNE Covalima konstrui hosi kompañia Via Mali Unipesoál, Lda ho durasaun tempu fulan neen (6) no kompañia Via Mali Unipesoál, Lda, hahú halo konstrui iha loron 26 fulan-novembru tinan 2022 ho orsamentu $150,009.72.
Jornalista : Celestina Teles
Editór : Cancio Ximenes
