iklan

INTERNASIONÁL, HEADLINE, POLÍTIKA

Taur sei vizita Austrália no Indonézia iha fevereiru

Taur sei vizita Austrália no Indonézia iha fevereiru

Primeiru-Ministru, Taur Matan Ruak. Imajen Tatoli /Egas Cristovão

DILI, 24 janeiru 2023 (TATOLI) – Primeiru-Ministru (PM), Taur Matan Ruak, sei hala’o vizita Estadu bá Austrália no Indonézia, iha fulan-fevereiru.

“Ko’alia uitoan ho Prezidente Repúblika, kona-ba ha’u-nian vizita iha semana dahuluk iha loron 7 ka 8 fevereiru bá Austrália. Iha semana tuirmai bá Indonézia”, Taur informa, hafoin reuniaun ho Xefe Estadu, José Ramos Horta, iha Palásiu Prezidensiál, Bairru Pité, tersa ne’e.

Xefe Ezekutivu ne’e dehan tinan hira ona la bá rai-li’ur, maibé agora iha ajenda rua hodi vizita nasaun rua refere.

Tuir ajenda ne’ebé Agência Tatoli asesu hosi Gabinete Xefe Governu katak vizita ba Austrália sei hasoru malu ho Primeiru-Ministru, Anthony Albanese, no bá Indonézia hasoru Prezidente Repúblika, Joko Widodo.

Dezde lidera Governu Daualuk, PM Taur seidauk hala’o vizita ofisiál bá estranjeiru, mezmu bá rai-li’ur maibé ho asuntu privadu.

Jornalista: Antónia Gusmão           

Editora: Maria Auxiliadora

iklan
iklan

Leave a Reply

iklan
error: Content is protected !!