Top

Fiskalizasaun komisaun A nota falta rezidénsia ba defensór públiku Baucau

Uma Fukun Parlamentu Nasionál. Imajen/Espesiál

DILI, 25 janeiru 2023 (TATOLI)—Komisaun A trata asuntu Justisa no Konstituisional iha Parlamentu Nasionál (PN), kinta (21/9/2022), hala’o fiskalizasaun ba iha Defensória Públika munisípiu Baucau nota falta rezidénsia ba defensór ho ofisiál justisa sira.

Notísia Relevante: Tribunál Distritál Baucau presiza aumenta juis

“Iha loron 21/09/2022, fatin sala enkontru Defensória Públika primeiru instánsia Baucau ho prezensa defensór públiku, ofisiál justisa no funsionáriu públiku, kestaun aborda rezidénsia ofisiál, falta redizénsia ofisiál defensór públiku, ofisiál justisa no funsionáriu. Defensór públiku no ofisiál justisa ba iha munisípiu seluk aluga uma populasaun nian,” refere relatóriu komisaun A ne’ebé Agência Tatoli asesu, kuarta ne’e.

Dadaun ne’e, Defensória Baucau iha defensór na’in-neen (6), ofisiál justisa haat, funsionáriu públiku rua, sekretáriu ida, ofisiál justisa estajiáriu ida, funsionáriu voluntáriu rua kuaze tinan sia pma.

Entretantu, liga ba estatístika kazu ne’e, prosesu atuál kazu sívil tama hosi tinan 2022 iha 58, krime 523, prosesu pendente hosi tinan 2021 iha 327, julgamentu movél iha tinan 2022 iha 129, no la rona tribunál movél iha munisípiu seluk desde fulan juñu.

Orsamentu no jestaun finanseir, hanesan falta transporte iha Defensória Baucau, hodi realiza julgamentu movél iha munisípiu seluk laiha transporte própiu utiliza de’it transporte Ministéiru Públiku ka juis.

Problema ho pagamentu perdiem, normalmente atrazu  fulan haat ka lima hafoin julgamentu tribunál movél ka notifikasaun ba audiénsia no julgamentu interveniente iha munisípiu ne’ebé kompara ho juis no prokuradór $60 maibé defensór $40.

Kona-ba kondisaun edifísiu no infraestrutura ninia kondisaun atual di’ak no presiza halo reabilitasaun de’it.

Funsionamentu edifísiu hanesan falta bee ho impaktu funsionamentu atividade loro-loron nian, laiha sala própriu ba konsulta ho kliente intervenente prosesu, sesaun krime no sívil iha sala ida de’it.

Ekipamentu no material hanesan ba defensór públiku, ofisiál justisa no funsionáriu laiha komputadór própriu hodi hala’o serbisu, meza no kadeira laiha kondisaun, laiha armáriu no fatin própriu rai prosesu pendente no arkivu, laiha air condicener (AC), laiha ligasaun internet no laiha telefone fixu.

Kona-ba karreira no formasaun kontinua ba defensór ho ofisiál justisa ne’e nota katak laiha formasaun komplementár iha rai-li’ur, formasaun komplementár iha sentru formasaun jurídika hala’o uma vez de três em três ou de quatro em quatro anos, laiha formasaun komplementár no laiha promosaun kareira ba ofisiál justisa.

Enkuantu, relatóriu fiskalizasaun komisaun A nian ne’e iha loron tersa (24/01/2023), aprezenta ona ba iha reuniaun plenária hodi rekomenda ba parte ezekutivu atu tau atensaun.

Jornalista : Nelson de Sousa

Editór       : Cancio Ximenes

Publisidade

Leave a Reply

Latest Post

error: Content is protected !!