iklan

EKONOMIA, COVALIMA

Floresta Covalima kontribui reseita $8.732.50 ba kofre Estadu iha 2022

Floresta Covalima kontribui reseita $8.732.50 ba kofre Estadu iha 2022

Osan Dolar Amérika. Imajen/Espesiál

COVALIMA, 25 janeiru 2023 (TATOLI)–Xefe Departamentu Reprezentasaun Territoriál Planta Indústria Covalima, Francisco Sarmento, relata iha tinan 2022 ne’e Floresta Covalima kontribui ona reseita $8.732.50 ba kofre Estadu.

“Tuir dadus ne’ebé ami hahú fulan-janeiru to’o dezembru tinan 2022 ne’e, Floresta Covalima kontribui reseita $8.732.50 ba kofre Estadu,” Francisco Sarmento informa ba Agência Tatoli, iha Kampung Baru, tersa ne’e.

Floresta Covalima kontribui reseita hirak ne’e liuhosi lisensa negósiu ba negosiante sira-ne’ebé halo negósiu aiteka hosi Covalima haruka ba iha Dili no mós ba maluk sira-ne’ebé mak loke meubel.

Molok atu tula ai sira hosi Covalima ba Dili negosiante sira sei selu ba Estadu, ai sira-ne’e kada kúbiku negosiante sira selu $25.00.

Durante ne’e, negosiante sira iha Covalima maiória haruka ai indústria ba Dili ho tipu ai-teka.

Hahú fulan-janeiru to’o dezembru tinan 2022 ne’e, floresta covalima rejista negosiánte sira hosi Suai haruka ai-teka ho volume 349,30 ho orsamentu $8.732.50.

Reseita ne’e iha fulan-janeiru tipu ai-teka volume ai 55 metru kúbiku kontribui $1.375.00 ho fevereiru volume ai-teka 50 metru kúbiku $1.250.00, marsu volume ai-teka 60 metru kúbiku $1.5000.00, abríl volume ai-teka 28, metru kúbiku $.700.00.

Iha fulan-maiu volume ai 25 metru kúbiku $625.00, juñu volume ai 19 metru kúbiku$475.00, jullu volume ai-teka 48 metru kúbiku $1.200.00, setembru  ai-teka 3 metru kúbiku  $75.00.

Iha fulan-outubru volume ai-teka 24 metru kúbiku $600.00,  novembru volume ai-teka 17,3 metru kúbiku $432.50 no dezembru volume ai-teka 20 metru kúbiku $500.00.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!