iklan

NASIONÁL, EKONOMIA, HEADLINE, POLÍTIKA

Governu aprova Planu Estratéjiku Nasionál ba Dezenvolvimentu Turizmu

Governu aprova Planu Estratéjiku Nasionál ba Dezenvolvimentu Turizmu

Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (25/01). Imajen Tatoli/Francisco Sony

DILI, 25 janeiru 2023 (TATOLI) – Governu aprova Planu Estratéjiku Nasionál ba Dezenvolvimentu Turizmu (PENDT) 2023-2030 ne’ebé aprezenta husi Ministru Turizmu, Komérsiu no Indústria (MTKI), José Lucas do Carmo da Silva.

“Planu estratéjiku ida-ne’e ho ninia objetivu mak atu dezenvolve Timor-Leste hanesan destinu úniku ida iha Ázia ho setór turizmu inkluzivu, sustentavel no responsavel”, Ministru Prezidénsia Konsellu Ministru, Fidelis Magalhães, hateten hafoin reuniaun Konsellu Ministru, iha Palásiu Governu.

PENDT ne’e estabelese vetór estratéjiku intervensaun no proposta sira asaun nian ne’ebé Governu deside to’o tinan 2030 ho hanoin atu aselera dezenvolvimentu turizmu nasionál, iha parseria ho interveniente hotu-hotu ne’ebé inklui instituisaun nasionál, sosiedade sivíl, parseiru sira dezenvolvimentu no setór privadu.

“Ne’ebé define vetór estratéjiku hamutuk 11, ho área prioritária sira intervensaun nian no inklui mós iha PENDT 2023-2030 planu plurianuál ida ba nia implementasaun to’o tinan 2030, ne’ebé aprezenta kronograma ida kona-ba atividade prioritária no identifikasaun ba responsavel no parseiru prinsipál sira”, nia konklui.

Jornalista: Antónia Gusmão

Editora: Maria Auxiliadora  

iklan
iklan

Leave a Reply

iklan
error: Content is protected !!