iklan

EDUKASAUN, BAUCAU, HEADLINE, MUNISÍPIU

Konstrusaun edifísiu ESG Baucau sei finaliza iha fevereiru

Konstrusaun edifísiu ESG Baucau sei finaliza iha fevereiru

Prosesu konstrusaun edifísiu Ensinu Senkundária Jerál númeru 1 Baucau, kuarta (25/01). Imajen Tatoli/Natalino Belo.

BAUCAU, 25 janeiru 2023 (TATOLI) – Progresu konstrusaun edifísiu sala aula no laboratóriu iha Ensinu Senkundária Jerál (ESG, sigla portugés) númeru 1 Baucau liuhosi Programa Konstrusaun no Reabilitasaun Eskolár (PKRE) sei finaliza iha fulan-fevereiru.

Koordenadór PKRE ESJ númeru 1 Baucau, Paulo Menezes, esplika, projetu ne’e atinje ona pursentu 80 no sei tama hotu nu’udar projetu 17 ne’ebé sei inaugura direita hosi Primeiru Ministru, Taur Matan Ruak, iha loron sesta, 27 janeiru ne’e.

“Fulan-fevereiru bele finaliza ona, tanba orsamentu mak pagamentu tarde nune’e halo konstrusaun tarde,” Koordenadór projetu informa ba Agência TATOLI iha Vila Nova, kuarta ne’e.

Orsamentu ne’ebé durante konstrusaun foin utiliza pursentu 50 nune’e maioria materiál konstrusaun parte responsável projetu deside foti hosi loja hodi hein pagamentu pursentu 50 tán.

Ekipa Ajénsia Dezenvolvimentu Nasionál (ADN) hamutuk ho Servisu Munisipál Edukasaun Baucau direitamente observa ona atinjimentu projetu refere nune’e iha fulan-fevereiru sei finaliza.

Projetu refere ho totál orsamentu $118.161,18 ne’ebé sei konstrui uma rua kompostu sala aula tolu no laboratóriu ida ho duransaun kontratu fulan-neen.

Prosesu projetu PKRE ne’e finánsia hosi governu liuhosi Ministériu Edukasaun, Juventude no Desportu (MEJD) ne’ebé hala’o kontratu ho diretór eskolár sira liuhosi servisu Edukasaun Munisípal ho totál orsamentu ba munisípiu Baucau $3.001.683,69  hosi eskola hamutuk 29.

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!