iklan

NASIONÁL, EKONOMIA, HEADLINE

MAP aprezenta planu integradu hodi asegura utilizasaun ba rekursu peska

MAP aprezenta planu integradu hodi asegura utilizasaun ba rekursu peska

Ministru Agrikultura no peska (MAP), Pedro dos Reis. Imajen Tatoli/Francisco Sony

DILI, 25 janeiru 2023 (TATOLI) – Ministru Agrikultura no Peska (MAP), Pedro dos Reis, no Sekretáriu Estadu Peska, Elídio de Araújo, halo aprezentasaun, iha reuniaun Konsellu Ministru, kona-ba planu integradu peska nian.

“Objetivu husi planu ne’ebé aprezenta mak atu asegura utilizasaun boot-liu ba rekursu peska, maximiza efeitu multiplikadór produsaun ikan no ninia prosesu, hasa’e kapasidade nasionál atu kontrola ba rekursu akuátiku sira, hasa’e konsumu ikan nian no hasa’e rendimentu ekonómiku nasionál”, Ministru Prezidénsia Konsellu Ministru, Fidélis Magalhães, hateten iha Palásiu Governu.

Liuhosi kriasaun planu integradu peska ne’e mós hadi’ak liután dezenvolvimentu setór peska iha Timor-Leste.

“Foin iha faze aprezentasaun, iha reuniaun Konsellu Ministru sira tuirmai hafoin diskusaun kle’an ba dokumentu sira depois delibera no aprova”, nia adianta.

Jornalista: Antónia Gusmão

Editora: Maria Auxiliadora

iklan
iklan

Leave a Reply

iklan
error: Content is protected !!