COVALIMA, 27 janeiru 2023 (TATOLI)–Prezidente CCI-TL Jorge Manuel de Araujo Serano, akompañadu hosi prezidente asembleia fó pose ba prezidente CCI-Covalima ho nia estrutura iha Covalima.
“Ha’u hato’o parabéns Covalima marka istória no loke lejitimidade foun prezidente CCI no prezidente asembleia Covalima. Ha’u apresia ba prezidente CCI Covalima nia diskursu laiha inimigu, ida-ne’e mak kór CCI-TL diverjénsia no diferensa ne’e atu haboot ita,” Prezidente CCI-TL, Jorge Manuel de Araujo Serano hato’o liuhusi diskursu iha serimónia fó pose ba estrytyra CCI Covalima iha salaun AMC, sesta ne’e,
Hafoin fó pose nia husu ba prezidente CCI Covalima ba ema-hotu buka atu akomoda ema no respeita mós diverjénsia.
“Ita sai prezidente CCI Covalima ba ema hotu buka atu akomoda ema hotu respeita diberjénsia mak halo ita-boot no halo komunikasaun ho polítiku sira, Governu se de’it no ita-nia povu fó fiar, ita hotu prontu hanesan emprezáriu laiha opozisaun no kontra,” nia dehan.
Tanba ne’e, Prezidente CCI Covalima hamutuk ho prezidente CCI-TL sei halo planu no asaun hodi halo ligasaun mós ho estrutura sira hotu.
Ho nune’e, nia husu ba estrutura ne’ebé mai la’ós hanesan reprezenta maibé partisipasaun CCI importante atu tuir debate no akompaña fahe informasaun, fó idea konstrutivu ajuda rekolla dadus no faktu atu ajuda munisípiu to’o nasionál.
Prosesu reestrutura CCI Covalima liuhosi eleisaun ne’ebé hili hosi konferesista sira ho nia rezultadu José do Rego Carvalho sai prezidente CCI Cvalima ho votu 59 ne’ebé kompete ho Silveiro Cardoso da Costa ho votu 35 no votu nulu tolu (3).
Prezidente CCI Covalima, José do Rego Carvalho, promete sei halo mudansa ideolojia emprezáriu-sira durante ne’e fó prióridade ba projetu sira, maibé presiza atu servisu hamutuk hodi halo dezenvolvimentu iha rai.
“Ita estabelese ita-nia estrutura foun ba CCI-Covalima la promete buat barak, ita-boot sira fó fiar. Ha’u prontu atu la’o ba oin. Ha’u sei halo mudansa ba ita-nia ideolojia durante ita tau hela ita-nia kakutak ba projetu.” nia dehan.
Prezidente CCI-Covalima mós konvida ema hotu atu servisu hamutuk dezenvolve rai-ida ne’e sei halo kooperasaun ho Governu. prontu servisu hamutuk ho autoridade lokál no sei submete ba programa no sei la sai opozisaun ba Governu.
“Ha’u la presiza ko’alia barak. Ha’u sei hatudu iha ha’u-nia asaun. Ami sei halo planu kapasitasaun hodi fó formasaun ba ami-nia membru tomak, nune’e bele jere administrasaun ho konstrutivu,” nia hateten.
Estrutura CCI-Covalima mak hanesan Prezidente CCI-Covalima, José do Rego Carvalho ba mandatu tinan 2022-2026, ho-nia vise prezidente haree ba asuntu sira hanesan ba asuntu jurídiku dezenvolvimentu instituisionál Saul Salvadór Amarál, asuntu internu Silveiro Cardoso da Costa.
Ba asuntu konstrusaun sívil no obras Publika, Alberto de Jesus, asuntu Petroleo no Minerál, Alcino Batista, asuntu Transporte Mario Godinho, asuntu Dezenvolve planu estratéjiku Igido dos Santos.
Ba asuntu dezenvolvimentu investimentu asuntu Fronteira, Maria Mone de Araújo, asuntu promosaun no kooperasaun, Lidia José de Araújo, asuntu komérsiu indústria, Julio Amaral Freitas, asuntu importasaun no esportasaun Carlos de Araújo.
Ba suntu agrikola Pekuária Floresta Akuakultura no medida empreza Frederic Y Jilião, asuntu lojistíka Covalima, Thomas Chung, asuntu fortalesimentu feto emprezariál, Lidia Soares Vicente.
Ba asuntu setór kooperativa Pedro Barros, asuntu telekomunikasaun no sibernétika, José Maria dos Santos, asuntu Turizmu, Yuliana Yustina Inosensia Hoar, asuntu Indústria Kreativa Nicolao Tilman, asuntu empregu formasaun juventude desportu profisionál, Merita Pereira no vise prezidente asuntu investimentu António Maria Luruk Nahak.
Alende ne’e prezidente estrutura asemblea mak hanesan , Augusto Henriques,vise prezidente dahuluk, Zacarias do Carmo ,vise prezidente daruak, Grinaldo de Jesus ho nia sekretáriu sira hanesan, Auleria doutel Sarmento no Mafalda Cardoso.
Jornalista : Celestina Teles
Editór : Cancio Ximenes
