DILI, 27 janeiru 2023 (TATOLI)— Ministériu Agrikultura no Peska (MAP), liuhosi Diresaun Nasionál Agrikultura no Ortíkultura, tinan ne’e, sei sosa tratór boot ba natar nian hamutuk unidade 40.
“Tinan ne’e, ita mós hetan aprovasaun orsamentu iha Parlamentu Nasional (PN) sei sosa tan tratór boot hamutuk unidade 40,” Diretór Nasional Agrikultura no Ortikultura, Lucio Ribeiro dehan ba Agência Tatoli, iha nia knaar-fatin, Comoro, Dili, sesta ne’e.
Nia dehan, tratór refere sei sosa hosi nasaun Indonézia ho nia montante orsamentu hamutuk milliaun $1.3.
“Ita sosa milliaun $1.3, aleinde sosa tratór unidade 40 ita mós sosa ninia sparepart sasan kompletu, hanesan, leree dut no seluk tan,” nia dehan.
Nia hateten, tratór unidade 40 ne’e bainhira sosa mai sei oferese ba irrigasaun boot sia iha iha territóriu laran, maibé sei hare balansu munisípiu ne’ebé poténsia bele fó idaidak ba iha munisípiu sira ne’e.
Jornalista : Arminda Fonseca
Editora : Armandina Moniz
